JEREMI 12:2 - Bible sar

² Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

Bibəl ta Sar̄

² Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

JEREMI 12:2 Referans Kwoze

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ *Israel tə́ gə̄ ō, kə́ *Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ *Baal.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

MARK 7:6

Jeju tél ədadə́ na: Sḭḭ̄ ń i ngé gól̄ kum de gə̄ ní, dan ń Ijai ɔr̄ najə̄ kə́ Nə́ɓā əndā tan tə́ ní, əda i najə̄ yāsí rɔ̄kum. Ndangən̄ makətūbūú i tītə̄ ń toō beé: Gír de gə̄ ń toō rɔȳmə̄n̄ i kə tadə́ karī, ba kemdə́ əya̰m̄ sa̰y.

JEREMI 3:10

Ngōkó̰o̰ *Israel kə́ dəyá̰ ń i *Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

Makətūbə̄ yā Job 5:3

A̰á̰ā̰, m-á̰a̰ de kə́ ger̄ yá̰a̰ aĺ loo teē deē tə́. Banī de gə̄ kə́ kem kújə yān tə́ ní, m-ɔ́r bā̰ā̰ loo ndɔ̄ĺdə́ tə́ alé. m̄-ndɔ̄ĺdə́ m-ə́da na:

PĀ GƏ̄ 37:35

M-á̰a̰ nge kem ndul loo kəndā tɔ́gən dɔ de gə̄ tə́ ō, loo jā̰ā̰ bɔ̄gə̄n tə́ tītə̄ kāgə̄ kə́ sitə majə tə́ ō.

HABAKUK 1:13

Kumií *unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

Makətūbə̄ yā Job 24:12

De kə́ kem ɓēé gə̄ nōōn̄ rɔ̄də́. Ngé gə̄ ń əngen̄ do ní, kɔŕ kə́ dan gān̄g aĺ yādə́ rāā rɔ̄n i ɓāŕ kə́ nin̄ a ɓārə́n̄ yá̰a̰ kadə̄ rāān̄ sedə́ tə́. Ba usə Nə́ɓā dɔ yá̰á̰ kə́ majaĺ ngá̰ý gə̄ ń noō tə́ alé!

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə *nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.