JEREMI 12:14 - Bible sar

¹⁴ Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ *Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

Bibəl ta Sar̄

¹⁴ Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

JEREMI 12:14 Referans Kwoze

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

JEREMI 3:18

Kem ndɔ̄ gə̄ ń noō tə́ ní, ngé kə́ *Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

JEREMI 2:3

*Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ *táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə *Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

EJEKIEL 37:21

Gō tə́ anī ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: *Israel gə̄, nápar de gə̄ ń sḭḭ̄ āwī dandə́ tə́ ní, m-ā m̄-teē sesí kɔ̄ɔ́ dandə́ tə́. M-ā m-ɔ́sə dɔsí naā tə́ ō, m-ā m̄-tél yā reē sesí dɔ nang yāsí tə́ ō.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán *Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ *táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

PĀ GƏ̄ 105:15

Əda de gə̄ na: Ī-lōōī kɔdə rɔ̄ ngé gə̄ ń m-úr *yibə̄ dɔdə́ tə́ ní, ī-lōōī rāā *ngé koō ta yāḿ gə̄ yá̰á̰ kə́ majaĺ!

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: *Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ *Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ *kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.