JEREMI 12:1 - Bible sar

¹ Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

Bibəl ta Sar̄

¹ Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

JEREMI 12:1 Referans Kwoze

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

PĀ GƏ̄ 92:7

De kə́ mbóo asə ger̄ yá̰á̰ kógə̄ḿ tū tə́ alé. De kə́ kumən gān̄g aĺ asə ger̄ yá̰á̰ kógə̄ḿ tū tə́ alé.

PĀ GƏ̄ 37:1

Pā yā Dabid. Ādə̄ wōn̄g rāāī kə ngé kem ndul gēé alé, ə̄ndā ngé rāā yá̰a̰ majaĺ gə̄ nii alé.

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā *Juda gə̄ ō, de kə́ *Jerusalem gə̄ ō, *Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.

Makətūbə̄ yā Job 12:6

De kə́ ngé rāā yá̰a̰ majaĺ gə̄ ndin̄ loo yādə́ kanjə̄ sōl̄ yá̰á̰ kógə̄ḿ kə̄ kem kújə tandā yādə́ gə̄ tə́. Ngé sāā ta Nə́ɓā gə̄ ndin̄ loo yādə́ kanjə̄ kadə̄ yá̰á̰ kógə̄ḿ rāādə́: tɔ́gə́də́ ngóy n i nə́ɓā kə́ rɔ̄kum aĺ ń nin̄ gerə̄n̄ ní ngóy.

HABAKUK 1:4

De kə́ un *ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

PĀ GƏ̄ 37:35

M-á̰a̰ nge kem ndul loo kəndā tɔ́gən dɔ de gə̄ tə́ ō, loo jā̰ā̰ bɔ̄gə̄n tə́ tītə̄ kāgə̄ kə́ sitə majə tə́ ō.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

JEREMI 11:20

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

JEREMI 5:11

Rɔ̄kum, de kə́ gír yā *Israel tə́ gə̄ ō, kə́ gír yā *Juda tə́ gə̄ ō ran̄ dɔ ndūdə́ ń ənī adə̄mə̄n̄ tə́ ní alé. Najə̄ ń Kɔ́ɔ̄ɓē əda ní n noó.

Makətūbə̄ yā Job 13:3

Ba mā, m̄-sāā kɔr̄ najə̄ i kə Nə́ɓā kə́ tɔ́gən i ngá̰ý. M-ɔ̄r̄ najə̄ dɔ rɔ̄ḿ tə́ i kə Nə́ɓāá.

ESDRAS 9:15

Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə *madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

IJAI 48:8

Sḭḭ̄ ōōī alé, sḭḭ̄ ī-gerī yá̰á̰ kógə̄ḿ alé. Əla gír i jóó ngá̰ý n sḭḭ̄ ə̄ndāiń kumsí gíŕ yá̰á̰ tə́ to̰ aĺ ní. m̄-ger̄, sḭḭ̄ i ngé tél kɔ̄ɔ́ gō de gə̄ tə́ gə̄ ō, a ɓārə́n̄sí na i ngé kəsō wōn̄g gə̄ kə́ əlan̄ gír kəsō wōn̄g i ndɔ̄ kojədə́ tə́ ō.

IJAI 41:21

Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

Gōsə̄ najə̄ gə̄ 1:32

Tɔdɔ̄ i mbātə́ kum kedə̄ n tɔ̄l̄ de kə́ mbóo ō, i kusə kə́ usən dɔ yá̰á̰ tə́ aĺ n ta de kə́ kur dɔn gətóo tḭ̄ḭ̄iń ō ní.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

PĀ GƏ̄ 119:137

Kɔ́ɔ̄ɓē, ḭ̄ i de kə́ gōtə́ ō, yá̰a̰ gə̄ ń ī-ra dɔ tə́ yā rāā ní i yá̰á̰ kə́ súmūú gə̄ ō.

PĀ GƏ̄ 119:75

Kɔ́ɔ̄ɓē, ndūí gə̄ ń ī-ra dɔ tə́ ní, m̄-ger̄ kadə̄ i yá̰á̰ kə́ gōtə́ gə̄ ō, kəla ń ə́la rɔ̄sɔl̄ dɔḿ tə́ ní i tām̄ ḭ̄ i nge ra dɔ ndūí tə́ ō.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

NEHEMI 9:33

Ḭ̄ i de kə́ gōtə́ dan yá̰a̰ gə̄ malang ń teēn̄ dɔjí tə́ ní, tɔdɔ̄ ḭ̄ ī-rāā i yá̰á̰ kə́ rɔ̄kum, banī jḭḭ jə-rāā i kem ndul.

PĀ GƏ̄ 116:5

Kɔ́ɔ̄ɓē i nge kem ndaa ō, ni i de kə́ súmūú ō. Kum Nə́ɓā yājí a o̰o̰n tām̄ yā deē tə́.

KOHELET 8:14

Yá̰á̰ kógə̄ḿ to dɔ nang tə́ noō kə́ i yá̰á̰ kə́ kanjə̄ kumən: I rāā kə́ rāān̄ de kə́ súmūú kə́rēý gə̄ yá̰á̰ kə́ gōtə́ aĺ tītə̄ kə́ nin̄ i ngé kem ndul gə̄ beé ō, i rāā kə́ rāān̄ ngé kem ndul kə́rēý gə̄ yá̰á̰ ń a rāān̄ kə de kə́ súmūú gēé ní ō. Ní m-ə́da kɔ̄ɔ́ ɓáá kadə̄ nge ń noō i yá̰á̰ kə́ kanjə̄ kumən ō.

JEREMI 3:7

M-ə́da kə̄ kemḿ tə́ na: Rāā yá̰a̰ gə̄ ń noō malang gír gān̄g anī a tél yā reē. Ba ni-tél reē alé. *Juda kə́ sew aĺ ń i ngōkó̰o̰n kə́ dəyá̰ ní a̰a̰ yá̰á̰ ní ō,

JEREMI 3:20

Banī kə́ rɔ̄kum tə́, tītə̄ ń dəyá̰ a tə́la rɔ̄n naā tə́ kə nge *nong yānneé ní, sḭḭ̄ de kə́ *Israel tə́ gə̄ ī-tə́laī rɔ̄sí naā tə́ seḿ ō. Najə̄ ń Kɔ́ɔ̄ɓē əda ní n noó.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 32:16

Gō tə́ dan ń m̄-ɓɔ̄ɔ̄ Baruk ngōn̄ Neriya makətūbə̄ mang naā ndɔr̄ ní gír gān̄g anī, m̄-rāā Kɔ́ɔ̄ɓē ɓɔ́ m-ə́da na:

NŌŌ RƆ̄ 1:18

Kɔ́ɔ̄ɓē rāā i yá̰á̰ kə́ gōtə́, tɔdɔ̄ m̄-mbātə́ rāā yá̰a̰ gə̄ ń ni ədam̄ kadə̄ m̄-rāā ní. Ōōī, sḭḭ̄ gír de gə̄ malang, á̰a̰ī wur kɔl yāḿ, əhɔn̄ ngámandə yāḿ gə̄ ō, balsáa yāḿ gə̄ ō aw̄n̄ sedə́ dɔ nang kə́ rang tə́.

EJEKIEL 18:25

Ɓá tā banī sḭḭ̄ ə́daī na jī bēl̄ loo rāā yá̰a̰ gə̄ yā Kɔ́ɔ̄ɓē na majə alé! Sḭḭ̄ *Israel gə̄ ōōī, i jī bēl̄ loo rāā yá̰a̰ yāḿ mā n i kə́ majə aĺ ní a? I jī bēl̄ loo rāā yá̰a̰ yāsí gə̄ n i kə́ majə aĺ ní.

Makətūbə̄ yā Job 8:17

Ni tə́la ngəran gə̄ mbo̰ō̰ mbal̄ gə̄ tə́ ō, ngəran gə̄ túdə̄n̄ kə̄ kem bəlo mbal̄ gə̄ tə́ ō.

Makətūbə̄ yā Job 24:12

De kə́ kem ɓēé gə̄ nōōn̄ rɔ̄də́. Ngé gə̄ ń əngen̄ do ní, kɔŕ kə́ dan gān̄g aĺ yādə́ rāā rɔ̄n i ɓāŕ kə́ nin̄ a ɓārə́n̄ yá̰a̰ kadə̄ rāān̄ sedə́ tə́. Ba usə Nə́ɓā dɔ yá̰á̰ kə́ majaĺ ngá̰ý gə̄ ń noō tə́ alé!

Makətūbə̄ yā Job 24:23

Ɓá tā ba Nə́ɓā əya̰n adə̄ ra ngan̄g ō, ndi loo yān jəke kanjə̄ sōl̄ yá̰á̰ kógə̄ḿ ō, banī ni-əndā kumən gíŕ hál de kə́ rang gə̄ tə́.

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

DANIEL 9:14

I tām̄ najə̄ ń noō tə́ n ī-reē kə yá̰á̰ kə́ to kum kaȳ aĺ gə̄ ń toō dɔjí tə́ ba ə́ya̰ aĺ ní. Tɔdɔ̄ Kɔ́ɔ̄ɓē Nə́ɓā yājí i de kə́ sew tū yá̰a̰ rāān gə̄ tə́ malang, banī j-oō tan alé.

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.