JEREMI 10:18 - Bible sar

¹⁸ tɔdɔ̄ najə̄ ń Kɔ́ɔ̄ɓē əda ní n toó: Ń toō ní m-ā m̄-tə̄ɓā de kə́ kem ɓēé gə̄ kɔ̄ɔ́, ba njaḿ i gōdə́ tə́ ngɔr kadə̄ a̰ȳn̄ naā alé.

Bibəl ta Sar̄

¹⁸ tɔdɔ̄ najə̄ ń Kɔ́ɔ̄ɓē əda ní n toó: Ń toō ní m-ā m̄-tə̄ɓā de kə́ kem ɓēé gə̄ kɔ̄ɔ́, ba njaḿ i gōdə́ tə́ ngɔr kadə̄ a̰ȳn̄ naā alé.

JEREMI 10:18 Referans Kwoze

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i *ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

EJEKIEL 6:10

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Dan ń m̄-tāādə́ najə̄ yá̰á̰ kə́ tōr̄ gə̄ ń noō ní, m-ɔ̄r̄ najə̄ kanjə̄ kumən alé.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

JEREMI 16:13

M-ā m-ɔ́ýsí dɔ nang ń toō tə́ yā tə́nīsí dɔ nang kə́ rang kə́ sḭḭ̄ gə̄gē kaasí gə̄gē ī-gerī aĺ tə́. Loo ń noō tə́, ā ī-ndɔ̄yī nə́ɓā yā tə̄rā gə̄ ndɔ̄ɔ́ ō, kadaá ō. Ba ā ə̄ndāī kemsí dɔḿ tə́ kadə̄ m̄-dḭḭ̄sí to̰ alé.

NDŪ NAJƏ̄ 28:52

Nin̄ a gīrə̄n̄ gidə ɓē yāí gə̄ malang yā rɔ̄ɔ̄īneé bátə́ kadə̄ ndogə̄ mbal̄ kə́ ngan̄g yāí gə̄ ń ə̄ndā kemií dɔ tə́ ní ɓéngə̄lēn̄ kɔ̄ɔ́ malang. A gīrə̄n̄ gidə ɓē yāí gə̄ malang dɔ nang ń Kɔ́ɔ̄ɓē Nə́ɓā yāí adī tə́ ní yā rɔ̄ɔ̄īneé.

JEREMI 22:26

Ḭ̄ ō, kó̰o̰ kojií ō ní, m̄-ɓōkə́sí dɔ nang kə́ rang ń ojən̄sí tū tə́ aĺ ní tə́. Ā óyiī i tū tə́ noō.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

IJAI 22:17

Ɔ́jəń na ḭ̄ i de kə́ ngan̄g. I beé ní Kɔ́ɔ̄ɓē a ənda yā kənī ta kaw̄ sa̰y. Ni a ɓírī kə kə̄lá,