JEREMI 10:1 - Bible sar

¹ De kə́ *Israel tə́ gə̄, ōōī najə̄ ń Kɔ́ɔ̄ɓē əda dɔsí tə́ ní.

Bibəl ta Sar̄

¹ De kə́ Israel tə́ gə̄, ōōī najə̄ ń Kɔ́ɔ̄ɓē əda dɔsí tə́ ní.

JEREMI 10:1 Referans Kwoze

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

AMOS 7:16

Banī ḭ̄ Amasia ə́dam̄ na kə m̄-lōō *kəda najə̄ kə́ Nə́ɓā əndā taḿ tə́ yā rɔ̄ɔ̄ń *Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ *Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

JEREMI 42:15

sḭḭ̄ *Juda gə̄ ń ī-teēī ta yo tə́ ní, ōōī najə̄ ń Kɔ́ɔ̄ɓē əda ní. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, əda ní n toó: Ré kə́ rɔ̄kum tə́ sḭḭ̄ ə̄sōī róbó kadə̄ āwī Ejiptə tə́ ō, kadə̄ āwī ī-ndiī noó ō anī,

JEREMI 22:2

ā ə́da na: Ḭ̄ mban̄g kə́ *Juda tə́ ń ī-ndi dɔ kōr̄ kāgə̄ mbang yā Dabid tə́ ní ō, sḭḭ̄ ngé rāā kəla yān gə̄ ō, sḭḭ̄ gír deē yān gə̄ ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 2:4

Ōōī najə̄ kɔr̄ Kɔ́ɔ̄ɓē, sḭḭ̄, deē yā Jakob gə̄, naā tə́ kə de gə̄ kə́ gír kojə yā Israel tə́ malang.

IJAI 28:14

I beé ní, sḭḭ̄ ngé mbóo kə de gēé gə̄, sḭḭ̄ ń i ngé kɔr no gír de kə́ Jerusalem gə̄ ń toō ní, ōōī najə̄ yā Kɔ́ɔ̄ɓē:

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

PĀ GƏ̄ 50:7

Sḭḭ̄ gír deē yāḿ gə̄ ōōī, m-ā m-ɔ̄r̄ najə̄ sesí. *Israel, i mā Nə́ɓā ń i Nə́ɓā yāí ní n m-ā m̄-gɔŕyɔ̄ī najə̄ ní.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba *de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

JEREMI 10:2

Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī ndájə̄ yá̰a̰ rāā nápar de gə̄ ō, ī-lōōī kadə̄ yá̰á̰ kə́ rāā yá̰a̰ no rā̰ tə́ əla ɓōĺ kemsí tə́ ō. Na i nápar de gə̄ n yá̰a̰ gə̄ ń noō a əla ɓōĺ kemdə́ tə́ ní.

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ *Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.