JEREMI 1:8 - Bible sar

⁸ Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

Bibəl ta Sar̄

⁸ Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

JEREMI 1:8 Referans Kwoze

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

NDŪ NAJƏ̄ 31:6

Ə́hɔ rɔ̄í tɔgə ō, ī-ra dəngam ō, ī-lōō kadə̄ ɓōĺ rāāī ō, ī-lōō ndebə ta kumdə́ tə́ ō, tɔdɔ̄ Kɔ́ɔ̄ɓē Nə́ɓā yāí a njə̄rā seí naā tə́. Ni a mbātíī aĺ ō, a əya̰ī kɔ̄ɔ́ aĺ ō.

KƏLA RĀĀ 4:13

Dan ń ngé sarya gə̄ a̰a̰n̄ kadə̄ Piyer nin̄ kə Ja̰a̰ ənīn̄ kemdə́ ɔrə̄n̄neé najə̄ kanjə̄ ɓōĺ ō, nin̄-gerə̄n̄ kadə̄ i de kə́ hɔlyɔ karī gə̄ ō, i de kə́ ger̄ yá̰a̰ aĺ gə̄ ō anī, ɔr̄ kumdə́ ngá̰ý. Gerə̄n̄ kadə̄ i de gə̄ kə́ njə̄rān̄ kə Jejuú kété.

NDŪ NAJƏ̄ 31:8

Kɔ́ɔ̄ɓē a njə̄rā kété noí tə́. Ni i seí naā tə́. A mbātíī aĺ ō, a əya̰ī kɔ̄ɔ́ aĺ ō. Ní, ī-lōō ɓōĺ ō, ī-lōō kadə̄ tɔ́gí ur̄ wak ō.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

KƏLA RĀĀ 18:10

tɔdɔ̄ mā i seí. De kə́ asə kəhɔī yā rāāī yá̰á̰ kə́ majaĺ gətóo, tɔdɔ̄ deē yāḿ gə̄ i ngá̰ý kem ɓē ń toō tə́.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

KƏLA RĀĀ 26:17

m̄-gān̄g dɔí kɔ̄ɔ́ ɓáá jī *Jipə gə̄ tə́ ō, jī gír de gə̄ ń m-ā m-ə́laī kə̄ rɔ̄də́ tə́ ba nin̄ i Jipə aĺ gə̄ ní tə́ ō.

KƏLA RĀĀ 4:29

Ba ngɔlaā ní Kɔ́ɔ̄ɓē, á̰a̰ ka̰ȳ ń a̰ȳn̄ ndíĺjí ní, ba ī-rāā ādə̄ ngé kəla yāí gə̄ ənīn̄ kemdə́ ədan̄neé najə̄ yāí kanjə̄ ɓōĺ.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 10:26

Adə̄ ī-ɓōlíī de gə̄ alé, tɔdɔ̄ yá̰á̰ kógə̄ḿ kə́ to loo mundə̄ tə́ kə́ yā kadə̄ dɔ a teē ndágá aĺ ní gətóo ō, yá̰á̰ kógə̄ḿ kə́ to loo ɓɔ̄ɔ̄ rɔ̄ tə́ kə́ yā kadə̄ deē ger̄ aĺ ní gətóo ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

JEREMI 39:11

Nabukodonosor, mban̄g kə́ *Babilon ɔr̄ najə̄ yā Jeremi kə Nebujaradan kə́ ngol ngé ngɔ̄m̄ dɔ mban̄g ba ədan yá̰a̰ gə̄ kə́ yā kadə̄ rāā:

JEREMI 42:11

Mban̄g kə́ *Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

DANIEL 3:17

Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy.

DANIEL 3:25

Mban̄g tél ədadə́ na: Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.