JEREMI 1:7 - Bible sar

⁷ Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

Bibəl ta Sar̄

⁷ Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

JEREMI 1:7 Referans Kwoze

TƏ́DA 22:20

Nə́ɓā reē rɔ̄ Balam tə́ ndɔ̄ɔ́ ədan na: Ré de gə̄ ń toō reēn̄ i ɓāríī tə́ anī āw̄ sedə́. Ba i yá̰á̰ ń m-ā m-ɔ́jiī ní ngóy n ā ī-rāā ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

EJEKIEL 3:27

Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

2 YÁ̰A̰ GƏ̄ 18:13

Banī Mise tél ədan na: Tītə̄ ń Kɔ́ɔ̄ɓē na ndiń kə kumneé noō ní, na i yá̰á̰ ń Nə́ɓā yān na a əda ní n na n-a n-əda ní.

1 MBAN̄G GƏ̄ 22:14

Anī Mise tél əda na: Tītə̄ ń Kɔ́ɔ̄ɓē ndiń kə kumneé noō, i yá̰á̰ ń Kɔ́ɔ̄ɓē a ədam̄ ní n m-ā m-ə́dá ní!

TƏ́DA 22:38

Balam tél əda Balak na: Mā n toó tā. Ba kum najə̄ ń kə m-ə́daī ní na i rí? I najə̄ ń Nə́ɓā a əndā taḿ tə́ ní ngóy n m-ā m-ə́daī ní.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

1 MBAN̄G GƏ̄ 3:7

Ngɔlaā ní, Kɔ́ɔ̄ɓē Nə́ɓā yāḿ, i ḭ̄ n ə̄ndām̄ mā nge kəla yāí mban̄g gotə bɔbə́ḿ Dabid tə́ ní. Ba mā i ngōn̄ ɓáý, adə̄ m̄-ger̄ loo rāā kəla mban̄g alé.

JEREMI 7:27

Ɔ́jə́də́ kum najə̄ gə̄ ń noō malang, ba oōn̄ ndūí alé. Ī-ɓāŕdə́, ba dalnī najə̄ tə́ alé.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

AMOS 7:15

Banī Kɔ́ɔ̄ɓē unəm̄ i dan ń mā i gō man̄g gə̄ tə́ ní. Ni ədam̄ na: Āw̄ ɔ̄r̄ najə̄ kə *Israel gə̄ ń i gír deē yāḿ gə̄ ní ādə̄m̄.

Teē Ngán Israel gə̄ 6:29

ədan na ni na i Kɔ́ɔ̄ɓē, na kə aw̄ kə əda *Parao̰ mban̄g kə́ Ejiptə najə̄ gə̄ ń n-ədan ní malang.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə *kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 43:1

Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.