JEREMI 1:3 - Bible sar

³ Kɔ́ɔ̄ɓē ɔr̄ najə̄ seneé ɓáý to̰ i ɓāl̄ yā Joakim, ngōn̄ Joas, mban̄g kə́ Juda tə́, bátə́ ta tɔ̄l̄ ta ɓāl̄ kə́ nge ko̰ kutə gidə i kógə̄ḿ yā Sedekias, ngōn̄ Josias, mban̄g kə́ Juda tə́, bátə́ kadə̄ əhɔn̄neé de kə́ Jerusalem gə̄ dɔ gúú tə́ aw̄n̄ sedə́ dɔ nang kə́ rang tə́, kem nāā kə́ nge ko̰ mí tə́.

Bibəl ta Sar̄

³ Kɔ́ɔ̄ɓē ɔr̄ najə̄ seneé ɓáý to̰ i ɓāl̄ yā Joakim, ngōn̄ Joas, mban̄g kə́ Juda tə́, bátə́ ta tɔ̄l̄ ta ɓāl̄ kə́ nge ko̰ kutə gidə i kógə̄ḿ yā Sedekias, ngōn̄ Josias, mban̄g kə́ Juda tə́, bátə́ kadə̄ əhɔn̄neé de kə́ Jerusalem gə̄ dɔ gúú tə́ aw̄n̄ sedə́ dɔ nang kə́ rang tə́, kem nāā kə́ nge ko̰ mí tə́.

JEREMI 1:3 Referans Kwoze

JEREMI 39:2

Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

2 MBAN̄G 23:34

Gō tə́ anī əndā Eliakim ngōn̄ Josias mban̄g gotə bɔbə̄n tə́ ba tūr̄ rīn kɔ̄ɔ́, əndā na i Joakim. Joakajə tá aw̄ seneé Ejiptə tə́ adə̄ oy i nú.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ *Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

JAKARI 7:5

yá̰á̰ ń ni tūr̄ əda ní, kə m-ə́dá *ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

JEREMI 34:1

Kɔ́ɔ̄ɓē ɔr̄ najə̄ kə Jeremi dan ń Nabukodonosor, mban̄g kə́ *Babilon ō, ɓūtə̄ ngé rɔ̄ɔ̄ yān gə̄ malang ō, ənīn̄neé ɓē kə́ Jerusalem ō, ɓē gə̄ malang ń gīrə̄n̄ gidən ní ō rɔ̄ɔ̄ ní. Nabukodonosor ənīdə́ rɔ̄ɔ̄ naā tə́ kə ɓē ko̰o̰ gə̄ malang ń, ənīn̄ rɔ̄ɔ̄ Jerusalem ō, ɓē gə̄ malang ń a o̰o̰ ɓē dɔ tə́ ní ō kə gír de gə̄ malang ō.

1 YÁ̰A̰ GƏ̄ 3:15

Rī ngán Josias gə̄ n toó: Nge kə́ nga tɔ́gə i Yohanan, gidən i Joakim, kə́ nge ko̰ mətá i Sedekias, kə́ nge ko̰ sɔ́ i Salum.

2 MBAN̄G 24:17

Mban̄g kə́ Babilon əndā Matania ń i bɔbə̄ Joakin kə́ dūú ní mban̄g gotə Joakin tə́. Ni tūr̄ rīn kə́ Matania kɔ̄ɔ́, ba əndā na i Sedekias.

JEREMI 1:4

Kɔ́ɔ̄ɓē ɔr̄ najə̄ seḿ tītə̄ ń toō beé əda na:

JEREMI 35:1

Kɔ́ɔ̄ɓē ɔr̄ najə̄ kə Jeremi, ɓāl̄ yā Joakim, ngōn̄ Josias, mban̄g kə́ *Juda tə́ ədan na:

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ *Israel ō, *Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.