JAKARI 3:2 - Bible sar

² *De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: *Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?

Bibəl ta Sar̄

² De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?

JAKARI 3:2 Referans Kwoze

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

Makətūbə̄ ń Jud ndang ní 1:23

Ájiīdə́ kɔ̄ɔ́ kum hor tə́. Kə́ tām̄ yā gotə gə̄ tə́ ɓáa ādī kumsí o̰o̰sí sedə́, ba ādī kum ko̰o̰ yāsí ní i kum ko̰o̰ kə́ kə ɓōló danaá. Kūbə̄ yādə́ gə̄ ń dā̰ rɔ̄də́ ɔdə rɔ̄ ní gə̄gē ādī nel̄sí aĺ ngá̰ý.

Makətūbə̄ ń Jud ndang ní 1:9

Yá̰á̰ ń nin̄-rāān̄ ní, Mikael ń i ngol *de kə́ dɔ rā̰ tə́ gə̄ kə dɔneé ní gə̄gē rāā beé alé. Tɔdɔ̄ dan ń Mikael mbātə́ najə̄ gō *diabəl tə́ adə̄ tɔ́tə̄n̄ naā dɔ nīń Moijə tə́ ní, ni-gān̄g sarya tájəń nge gól̄ loo gə̄ alé. Najə̄ ń ni ədan ní n toó ngóy: Kadə̄ Kɔ́ɔ̄ɓē əndaī tām̄ yā yá̰a̰ rāāí kə́ majaĺ tə́!

Makətūbə̄ ń Pol ndang adə̄ Rom gə̄ ní 8:33

I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

JAKARI 1:17

Gō tə́ anī, *de kə́ dɔ rā̰ tə́ ní mērə̄m̄ kəda najə̄ kə́ rang yā Kɔ́ɔ̄ɓē kə́ bo kə́ tɔ́gən i ngá̰ý ń toō: Yá̰á̰ kə́ majə gə̄ a télən̄ yā taā loo gogə́ kem ɓē yāḿ gə̄ tə́ ɓáý to̰ ō. M-ā m̄-tél yā gə̄rā ɓē kə́ Jerusalem gogə́ ɓáý to̰ ō, m-ā m̄-tél kə kəhɔ rɔ̄ tɔgɔɔ́ yā kadə̄n gogə́ ō.

JAKARI 2:12

Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.

1 JA̰A̰ 3:8

De kə́ nge rāā majaĺ i deē yā *diabəl, tɔdɔ̄ *diabəl rāā majaĺ i ta kəla gíŕ tə́ beē.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ *Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Najə̄ kə́ Majə yā Jeju ń Luk ndang ní 22:32

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

Najə̄ kə́ Majə yā Jeju ń Luk ndang ní 4:35

Jeju ndán̄g ndíĺ kə́ majaĺ ní ba ədan na kə utə̄ tan ō, kə teē kɔ̄ɔ́ kem deē ń noō tə́ ō. Anī ndíĺ kə́ majaĺ ní ənī deē ní nang tə́ ta kum de gə̄ tə́ malang ba teē kemən tə́ kɔ̄ɔ́ kanjə̄ rāā yá̰á̰ kógə̄ḿ kə́ majaĺ seneé.

DANIEL 12:1

Dan ngeé noō tə́ ní Misel i ngār yā *de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

PĀ GƏ̄ 109:31

Tɔdɔ̄ ni-ra dɔ jī ko̰ de kə́ nge rɔ̄ tō ndoō tə́ yā kajən jī ngé gān̄g sarya dɔn tə́ gə̄ tə́.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

MARK 1:25

Jeju ndángən əda na: Ī-ndi taí mbóo, ba ī-teē kɔ̄ɔ́ kem deē ń toō tə́.

2 YÁ̰A̰ GƏ̄ 6:6

banī na n-gə̄rā ɓē kə́ Jerusalem kadə̄ rīn i dɔ tə́ ō, na n-gə̄rāī ḭ̄ Dabid kadə̄ ó̰o̰ ɓē dɔ gír deē yān gə̄ tə́ ō.

Najə̄ kə́ Majə yā Jeju ń Luk ndang ní 9:42

Ngōn̄ a reē kə̄ rɔ̄n tə́ ɓáý anī ndíĺ kə́ yḛr ní un ənīn nang tə́ tul ō, rāān adə̄ dā̰n ndām̄ ngangan ō. Banī Jeju ndán̄g ndíĺ kə́ yḛr ní ba rāā adə̄ ngōn̄ ní adə̄ rɔ̄n ngan̄g ō, tél adə̄n kə bɔbə̄neé gogə́ ō.

MARK 9:25

Dan ń Jeju a̰a̰ kósə de gə̄ ń a reēn̄ kə ngɔ̄dɔ̄ɔ́ yā kán̄ naā ní anī, əda ndíĺ kə́ yḛr ngeé ń toō najə̄ kə ngangāá, əda na: Ḭ̄ ndíĺ kə́ nge rāā de gə̄ kadə̄ ɔrə̄n̄ najə̄ aĺ ō, oōn̄ najə̄ aĺ ō, m-ə́daī wáńg, ī-teē kemən tə́ kɔ̄ɔ́, ba údə gogə́ to̰ alé.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

2 YÁ̰A̰ GƏ̄ 6:5

Əla gír ndɔ̄ ń na n-teēń kə gír deē yān gēé kɔ̄ɔ́ kem ɓē kə́ Ejiptə tə́ ní, na n-gə̄rā ɓē kógə̄ḿ dan ɓē gə̄ kə́ Israel tə́ adə̄ rāān̄ kújə́ kógə̄ḿ kə́ rīn i dɔ tə́ kemeé aĺ ɓáý ō, na n-gə̄rā deē kógə̄ḿ adə̄ ndi ngār dɔ Israel gə̄ ń i gír deē yān gə̄ ní tə́ aĺ ɓáý ō,