JAKARI 3:1 - Bible sar

¹ Kɔ́ɔ̄ɓē rāā adə̄ m-á̰a̰ ngol *ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no *de kə́ dɔ rā̰ tə́ yā Kɔ́ɔ̄ɓē tə́. *Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

Bibəl ta Sar̄

¹ Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

JAKARI 3:1 Referans Kwoze

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i *diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

Najə̄ kə́ Majə yā Jeju ń Luk ndang ní 22:31

Simo̰, Simo̰, á̰a̰ā̰, *Sətan dəje kadə̄ n-əgasí tītə̄ ń a əgan̄neé kum kōō gémē kə yengəreé noō beé.

PĀ GƏ̄ 109:6

Nin̄ ədan̄ dɔḿ tə́ na: Ɔ́jə dɔ nge kəndā najə̄ dɔ de gə̄ tə́ kógə̄ḿ kə́ kadə̄ əndā najə̄ dɔn tə́, i nge kem ndul kə́ kadə̄ ra dɔ jī ko̰n tə́.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem *kújə yān tə́ i rétə́ gēé. Nge kəla yā *madə̄ naā ń ī ndi ā ī-ngóōī ní n toó, a reē.

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje *nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ *Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol *ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

1 YÁ̰A̰ GƏ̄ 21:1

Ndɔ̄ kógə̄ḿ tə́ *Sətan gḛy nujə kə *Israel gēé, adə̄ sə̄lā Dabid ta tə́da kutədə́.

JAKARI 6:11

Ā ī-taā gində̄ arjā̰a̰ ō, lɔ́r ō yā rāā *jākā mbang tə́, ba ā ə́la dɔ Yesua kə́ ngōn̄ Yosadak ń i ngol *ngé tun̄ yá̰a̰ gə̄ ní tə́.

JAKARI 3:8

Yesua, ḭ̄ ń i ngol *ngé tun̄ yá̰a̰ gə̄ ní, ōō. Ba sḭḭ̄ *ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ *ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol *ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

Makətūbə̄ yā Aje 1:12

Jorobabel kə́ ngōn̄ Saltiel ō, Yesua kə́ ngōn̄ Yosadak ń i ngol *ngé tun̄ yá̰a̰ gə̄ ní ō, de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, oōn̄ najə̄ gə̄ ń Kɔ́ɔ̄ɓē Nə́ɓā yādə́ əndā ta Aje *nge koō ta tə́ adə̄ əda ní. Aje rāā kəla ń Kɔ́ɔ̄ɓē mērə̄n rāā ní tɔ̄l̄ ta i tītə̄ ń noō. Adə̄ ngán *Israel gə̄ a̰a̰n̄ tɔ́gə ko̰o̰ ɓē yā Kɔ́ɔ̄ɓē gerə̄n̄.

2 YÁ̰A̰ GƏ̄ 29:11

Ní ngánə́ḿ gə̄, ī-lōōī rāā yá̰a̰ jingəling, tɔdɔ̄ i sḭḭ̄ n Kɔ́ɔ̄ɓē gə̄rāsí kadə̄ ī-raī non tə́ ī-rāāī kəla ādə̄niī ō, kadə̄ sḭḭ̄ i de kə́ bo yān gə̄ ō, kadə̄ ī-róōī ndujə̄ yá̰á̰ kə́ kotə majə ādə̄niī ō ní.

TA KƏLA 48:16

kadə̄ *de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

JAKARI 2:3

Gō tə́ anī, Kɔ́ɔ̄ɓē ɔjəm̄ kɔdə̄ gə̄ sɔ́ adə̄ m-á̰á̰də́.

JAKARI 1:13

Loo ń noō tə́ *nge kaw̄ kəla ń a ɔr̄ najə̄ seḿ ní, Kɔ́ɔ̄ɓē tūr̄ ədan najə̄ kə míndə́ kə́ majaá. Najə̄ ń ni-ɔr̄ seneé ní, i najə̄ kə́ a əla go̰ kem deē tə́.

JAKARI 1:9

m̄-dəje nge kal̄ sə́ndá ní na: Kɔ́ɔ̄ḿ, sə́nda gə̄ ń toō ɔsən̄ i kum gotə rí? De kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, tél ədam̄ na: M-ā m-ɔ́jiī kum.

EJEKIEL 44:15

Dan ń *Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, *ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ *táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

EJEKIEL 44:11

Kem loo yāḿ kə́ *táĺ tə́ ɓáa, kəla ń nin̄ a rāān̄ tām̄ yāḿ tə́ ní, i ngɔ̄m̄ ta róbə gə̄ kə́ tū kújə yā Kɔ́ɔ̄ɓē tə́ ō, i rāā kəla kə́ tayā tayā gə̄ ō. Dā̰ gə̄ ń ndējə̄n̄ tām̄ yā *yá̰a̰ tun̄ kə́ kə taá malang tə́ ō, tām̄ yā gotə *yá̰a̰ tun̄ kə́ rang gə̄ tə́ ō ní, nin̄ asən̄ tɔ̄l̄. Nin̄ a rāān̄ kəla yā kadə̄ ngán *Israel gə̄.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

ESDRAS 5:2

Tā anī Jorobabel kə́ ngōn̄ Sealtiel ō, Yesua kə́ ngōn̄ Yosadak ō, ḭḭn̄ dɔɔ́ ba əlan̄ gír rāā *kújə yā Nə́ɓā kem ɓē kə́ Jerusalem tə́. *Ngé koō ta gə̄ yā Nə́ɓā i naā tə́ sedə́ adə̄ ɔsən̄ kíĺdə́ kem kəlaá.

1 SAMUEL 6:20

Gō tə́ anī ədan̄ na: Kɔ́ɔ̄ɓē Nə́ɓā kə́ táĺ ń toō ké i náā n asə ra ta kumən tə́ wa. Ré ḭḭ loodə́ anī ké a aw̄ i ɓē náāá wa.

NDŪ NAJƏ̄ 18:15

I *nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

NDŪ NAJƏ̄ 10:8

Loo ń noō tə́ Kɔ́ɔ̄ɓē adə̄ de kə́ gír ɓē yā Lebi tə́ gə̄ kəla kətō *sandúkə madə̄ naā yā Kɔ́ɔ̄ɓē ō, kəla ra ta kum Kɔ́ɔ̄ɓē tə́ rāań kəla yān ō, tɔ́rəń tadə́ dɔ de gə̄ tə́ kə rīneé ō. I kəla gə̄ ń noō n ɓōólaā gə̄gē a rāān̄ ɓáý ní.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

ESDRAS 10:18

Dan *ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

JAKARI 4:14

Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán *Israel gə̄ kə́ kə dɔ ɓūtə̄ gēé n toó ō.