JAKARI 10:3 - Bible sar

³ Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ *Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.

Bibəl ta Sar̄

³ Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.

JAKARI 10:3 Referans Kwoze

EJEKIEL 34:2

Ḭ̄ ngōn̄ deē, ə́da ngār kə́ *Israel tə́ gə̄ najə̄ ń m-ə̄ndā taí tə́ ní. Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Sḭḭ̄ ngé kul̄ Israel gə̄, i yá̰á̰ kə́ to kum tō ndoō kə́ ba̰ý beē n i tām̄ yāsí tə́ ní! Sḭḭ̄ ā ə̄ndāī kumsí i gír rɔ̄sí sḭḭ̄ kɔ́ gə̄ tə́ ngóy! Majə kadə̄ ngé ngɔ̄m̄ yá̰a̰ kul̄ gə̄ əndān̄ kumdə́ gír batə̄ gə̄ tə́ alé a?

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

SOPONI 2:7

*Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

Gōsə̄ najə̄ gə̄ 21:31

Rákən̄ yá̰a̰ rɔ̄ɔ̄ sə́nda gə̄ tə́ yā ngóoń ta rɔ̄ɔ̄, banī ta tɔ̄l̄ ta anī i Kɔ́ɔ̄ɓē n i nge tetə rɔ̄ɔ̄ kadə̄ deē ní.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán *Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

RUTƏ 1:6

Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

SOPONI 1:8

Kɔ́ɔ̄ɓē əda na: Ndɔ̄ tun̄ yá̰á̰ tə́ anī, m-ā m̄-rāā yá̰á̰ kógə̄ḿ kə de kə́ bo gə̄ ō, kə ngār gə̄ ō, kə de gə̄ malang ń a o̰ō̰n̄ kūbə̄ tītə̄ tə̄rā gə̄ ní ō.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 11:22

Tā anī, Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: M-ā m̄-rāādə́ yá̰á̰ kə́ tōr̄. Balsáa yādə́ gə̄ a oyn̄ yo kaskar ō, ɓō a tɔ̄l̄ ngáńdə́ kə́ dəngam gə̄ ō, kə́ dəyá̰ gə̄ ō.

JEREMI 10:21

Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ *Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

PĀ KƏ́ MAJƏ 1:9

Madə́, njə̄rā gírí majə ngá̰ý tītə̄ njə̄rā gíŕ sə́ndá kə́ majə ngá̰ý kə́ un púsə yā *Parao̰ beé.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

DANIEL 11:32

Ngé gə̄ ń rāān̄ *madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

Makətūbə̄ yā Job 39:25

Ni a ndigə kōō bərúnjə́ kə́ ɓār̄ i kə sɔ̄mɔ́. Ni-ra sa̰y unəń usə rɔ̄ɔ̄ ō, ger̄ ndán̄g loo yā ngol gə̄ kə́ dɔ ngé rɔ̄ɔ̄ gə̄ tə́ ō, ger̄ kɔĺ rɔ̄ɔ̄ ō.

EJEKIEL 34:11

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, mə̄kɔ́ m-āw̄ yā sāā batə̄ yāḿ gə̄ ō, m-ā m-á̰a̰ gōdə́ ō.