JAKARI 1:8 - Bible sar

⁸ Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.

Bibəl ta Sar̄

⁸ Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.

JAKARI 1:8 Referans Kwoze

JEJU TEĒ KUM JA̰A̰ 6:4

Anī sə́ndá kə́ rang kə́ kərē tītə̄ hor beé teē. Ba deē ń ndi gidən tə́ ní, adə̄nən̄ kadə̄ taā kem sɔl̄ lɔm kə́ dɔ nang tə́ kɔ̄ɔ́, yā kadə̄ de gə̄ tɔ̄lə̄n̄ naā ō, adə̄nən̄ kaskar kə́ bo ngá̰ý ō.

JEJU TEĒ KUM JA̰A̰ 2:1

Ī-ndang najə̄ ń toō ādə̄ *de kə́ dɔ rā̰ tə́ yā Egəlijə kə́ Epejə. Najə̄ ń nge ń əhɔ tə́yō̰ kə́ sīrí gə̄ jī ko̰n tə́ ō, a njə̄rā dan ɗəra hor gə̄ kə́ rāādə́ kə lɔ́rɔ́ tə́ ō əda ní n toó:

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

IJAI 41:19

M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

IJAI 57:15

Yá̰á̰ ń Nə́ɓā kə́ *táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ *táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

Makətūbə̄ yā Job 4:13

Dan ń nī kə́ ndɔ̄ɔ́ gə̄ a dáȳn̄ kə gír̄ yā deé kə̄ loo gə̄ tə́, dan ń deē ɓīī ɓīī kə́ gōn əsō ní,

1 MBAN̄G GƏ̄ 3:5

Dan ń Salomo̰ i Gabaon ní, Kɔ́ɔ̄ɓē Nə́ɓā ndɔ̄bən kem nī tə́ dan ndɔ̄ɔ́, ədan na kə dəjen yá̰á̰ ń kemən gḛy ní na n-a n-adə̄n.

JOJUE 5:13

Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́?

TA KƏLA 20:3

Ndɔ̄ɔ́ anī Nə́ɓā reē dɔ Abimelek tə́ kə nīí, ədan na: Ā óy najə̄ dəyá̰ ń ādə̄ əhɔ adīn̄ tə́ ní, tɔdɔ̄ ngaan i noó.

PĀ KƏ́ MAJƏ 6:2

Kó tár yāḿ aw̄ i kem ndɔr̄ yān tə́, kem ndɔr̄ hútə̄ yá̰á̰ kə́ otə majə tə́, kadə̄ yá̰a̰ kul̄ yān gə̄ əsan̄ yá̰a̰ kemeé ō, kadə̄ aw̄ ɔr̄ hútə̄ ndə́ja lis gə̄ kə́ kemeé ō.

PĀ KƏ́ MAJƏ 2:16

Kó tár yāḿ i tām̄ yāḿ tə́ ō, mā i tām̄ yān tə́ ō. Ni-aw̄ kə yá̰a̰ kul̄ yān gēé adə̄ ra a əsan̄ yá̰a̰ dan hútə̄ ndə́ja gə̄ tə́.

JEJU TEĒ KUM JA̰A̰ 6:2

Anī m-á̰á̰ sə́ndá kə́ ndaa. Ba deē ń ndi gidən tə́ ní, əhɔ ga̰ gərā jīn tə́. Adə̄n̄ deē ní *jākā mbang kógə̄ḿ. Ba ni-aw̄ i kə́ nge tetə rɔ̄ɔ̄ tə́, yā kaw̄ tetə rɔ̄ɔ̄.

NEHEMI 8:15

a ənīn̄ mbēr̄ ń toō kə̄ kem ɓē yādə́ gə̄ tə́ malang ō, kem ɓē kə́ Jerusalem tə́ ō, a ədan̄ na: Ī-teē āwī dɔ mbalá, āw̄ ī-reēī kə ta jī *kāgə̄ olibə kə́ ndɔr̄ gə̄ ō, kə́ əɓan̄ dɔ rɔ̄də́ gə̄ ō, ta jī kāgə̄ mirtə gə̄ ō, ta jī kāgə̄ túmbur gə̄ ō, ta jí kāgə̄ gə̄ kə́ mbīdə́ əga ku gə̄ ō, yā rāań kújə́ kámbə gə̄ tītə̄ ń i kə́ ndang ní.

JAKARI 1:7

Kem ɓāl̄ ko̰o̰ ɓē kə́ nge ko̰o̰ jōó yā Darius tə́, kem nāā kə́ nge ko̰ kutə gidə i kógə̄ḿ tə́, adə̄ i kem nāā Sebat tə́ ní, kə ndɔ̄ nāā kə́ nge ko̰ kutə jōó gidə i sɔ́ anī, Kɔ́ɔ̄ɓē ɔr̄ najə̄ kə Jakari *nge koō ta kə́ ngōn̄ Berekia, kə́ ngōn̄ Ido. Jakari ənī gotə əda na:

JAKARI 1:10

Ni-ra kə̄ dan ngán kāgə̄ mirtə gə̄ kə́ mbīdə́ to mbōl̄ tə́ ədamə̄ń na: Kɔ́ɔ̄ɓē əladə́ i kadə̄ aw̄n̄ kə̄ loo gə̄ tə́ dɔ nang tə́.

JAKARI 1:11

Loo ń noō tə́ ngé kal̄ sə́nda gə̄ ədan̄ deē yā Kɔ́ɔ̄ɓē kə́ dɔ rā̰ tə́ ń ra dan ngán kāgə̄ mirtə gə̄ kə́ mbīdə́ to mbōl̄ tə́ ní na: Jə-njə̄rā dɔ nang tə́ malang kə taá, banī kōō yá̰á̰ kógə̄ḿ kə́ ɓār̄ gətóo ō, loo malang to jəke ō.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ *nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.