JA̰A̰ 8:2 - Bible sar

² Banī dəloí ɓatə anī, tél aw̄ kem *kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.

Bibəl ta Sar̄

² Banī dəloí ɓatə anī, tél aw̄ kem kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.

JA̰A̰ 8:2 Referans Kwoze

MATIYE 26:55

Gō tə́ anī Jeju əda kósə de gə̄ na: Ī-reēī kəhɔḿ tə́ kə kaskar gə̄, kə sálang kāgə̄ gə̄ tītə̄ loo reē kəhɔ nge kum̄ róbə́ tə́ beē a! Kə dɔ ndɔ̄ gə̄ m̄-ndi kem kújə yā Nə́ɓā tə́ m̄-ndóoń de gə̄ yá̰a̰, ba sḭḭ̄ ə́hɔmī alé.

Najə̄ kə́ Majə yā Jeju ń Luk ndang ní 21:37

Kadaá anī Jeju ndi kem *kújə yā Kɔ́ɔ̄ɓē tə́ a ndóoń de gə̄ yá̰a̰, ba ndɔ̄ɔ́ anī ni-teē aw̄ dɔ mbal̄ ń a ɓārə́n̄ na i mbal̄ *kāgə̄ olibə gə̄ tə́ ní yā ɓīī.

Najə̄ kə́ Majə yā Jeju ń Luk ndang ní 4:20

Gō tə́ anī Jeju ɓír̄ makətūbə̄ ní kem naā tə́ gogə́. Ni téləń adə̄ nge rāā kəla ba ndi nang tə́. De gə̄ malang ń ndin̄ kem kújə́ kán̄ naá tə́ ní əndān̄ kumdə́ dɔn tə́ sikəm.

Najə̄ kə́ Majə yā Jeju ń Luk ndang ní 5:3

Anī ni-al̄ kem toó kə́ kógə̄ḿ ń i yā Simo̰ ní tə́, ba əda Simo̰ na kə ɔsə to ní kə̄ gogə́ sḛ́ý kum kə̄ ɓūlūú. Gō tə́ anī ndi nang tə́ kem toó a ndóoń kósə de gə̄ yá̰a̰.

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem *kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

JEREMI 44:4

M-ə́la ngé kəla yāḿ gə̄ ń i *ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

Najə̄ kə́ Majə yā Jeju ń Luk ndang ní 21:38

Ba ta gír loo tə́ ɓáa ngán *Israel gə̄ malang reēn̄ rɔ̄n tə́ kem *kújə yā Kɔ́ɔ̄ɓē tə́ yā koō najə̄ kɔrə̄n.

JA̰A̰ 8:3

Anī ngé ndóō de gə̄ ndū najə̄ gə̄ kə *Parijiyḛ gə̄ reēn̄ kə dəyá̰ kógə̄ḿ kə́ əhɔnən̄ dɔ rāȳ tə́. Əndānən̄ dandə́ tə́, ba ədan̄ Jeju na:

KƏLA RĀĀ 5:21

Nin̄-oōn̄ najə̄ yā *de kə́ dɔ rā̰ tə́ yā Kɔ́ɔ̄ɓē ní, adə̄ teēn̄ dəloí ɓatə aw̄ ran̄ kem *kújə yā Kɔ́ɔ̄ɓē tə́ a ndóōn̄ de gə̄ yá̰a̰. Ngol *ngé tun̄ yá̰a̰ gə̄ reē ugə̄ anī, ni ō de kə́ gōn tə́ gə̄ ō, ɓārə́n̄ ngé sarya kə́ bo gə̄ ō, *kum kɔɔ̄ gə̄ malang yā ngán Israel gə̄ ō ɔsən̄ dɔdə́ naā tə́, ba əlan̄ gō ngámbang kəla gə̄ tə́ kújə dəngáyá kadə̄ reēn̄ sedə́.