JA̰A̰ 8:12 - Bible sar

¹² Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

Bibəl ta Sar̄

¹² Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JA̰A̰ 8:12 Referans Kwoze

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

JA̰A̰ 9:5

Dan ń mā i dɔ nang tə́ ní, mā i loo kə́ unjə̄ kow yā de kə́ dɔ nang tə́ gə̄.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

MATIYE 5:14

Sḭḭ̄ i loo kə́ unjə̄ kow tām̄ yā de kə́ dɔ nang tə́ gə̄ tə́. Ɓē ń ndi dɔ mbalá ní loo ɓɔ̄ɔ̄n gətóo.

Makətūbə̄ yā Job 33:28

Ni-gān̄g dɔḿ jī yo tə́ kɔ̄ɔ́, adə̄ m̄-ndi kə kumḿ ō, m-á̰a̰ loo kə́ unjə̄ kow ō.

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

PĀ GƏ̄ 18:28

Gír de gə̄ ń madə̄də́ gə̄ əlan̄ rɔ̄sɔl̄ dɔdə́ tə́ ní, i ḭ̄ n i nge rāā kadə̄ nin̄ tetən̄ rɔ̄ɔ̄ ō, i ḭ̄ n i nge rāā kadə̄ kum ngé kɔjə rɔ̄də́ gə̄ tetə kə̄ nang tə́ ní ō.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

2 PIYER 2:4

Tɔdɔ̄ *de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā *Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

KƏLA RĀĀ 13:47

Tɔdɔ̄ yá̰á̰ ń Kɔ́ɔ̄ɓē ɔsə sejí ta rāā ní n toō: M-ə̄ndāī kadə̄ ḭ̄ i loo kə́ unjə̄ kow yā nápar de gə̄ ō, kadə̄ ɔ́jə najə̄ kə́ dɔ kajə tə́ bátə́ kadə̄ ugə̄ ta ngóy dɔ nang tə́ ō.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

KƏLA RĀĀ 26:23

Nin̄ ədan̄ kadə̄ *Kərist ní na a a̰a̰ tápə̄ ō, na a oy ba na a ndól̄ kété dan de kə́ koy gə̄ tə́ ō, na a ɔjə gír deē yājí gə̄ ō, de gə̄ kə́ nin̄ i *Jipə aĺ gə̄ ō, loo kə́ unjə̄ kow ō.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn *Israel ń i gír deē yāí gə̄ ní ō.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

2 PIYER 2:17

Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ton̄ i tītə̄ ta kəɓa man̄ kə́ man̄ gətóo tū tə́ beē ō, ton̄ i tītə̄ kil̄ man̄ gə̄ kə́ nél man̄ ɔr̄də́ kɔ̄ɔ́ beé ō. Nə́ɓā ngɔ̄m̄ loo kə́ risə til nding tām̄ yādə́ tə́.

Makətūbə̄ ń Jud ndang ní 1:6

Ādə̄ əgā kemsí dɔ tə́ na *de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

PĀ GƏ̄ 49:19

Dan ń ndi kə kumneé ní, əda na n-ndi majə. De gə̄ əndan̄ jīdə́ gírən tə́, tɔdɔ̄ yá̰a̰ malang i kə́ majə tām̄ yān tə́.

JA̰A̰ 12:36

Dan ń loo kə́ unjə̄ kow i sesí ɓáý ní, ī-taāī kem loo kə́ unjə̄ kow ní, yā kadə̄ ī-téliīneé ngán loo kə́ unjə̄ kow gə̄. Dan ń Jeju ədadə́ najə̄ ń toō oy anī, ɔtə tadə́ tə́ aw̄ ɓɔ̄ɔ̄ rɔ̄n kɔ̄ɔ́.

1 JA̰A̰ 1:6

Ré j-ədaī na jə-rāāī kem kógə̄ḿ seneé, ba jə-njə̄rāī kum til tə́ anī, jə-sorī i mbée, adə̄ jə-rāāī yá̰á̰ kə́ rɔ̄kum alé.