JA̰A̰ 7:1 - Bible sar

¹ Gō yá̰a̰ gə̄ ń toō tə́ anī, Jeju njə̄rā gō nang kə́ Galile tə́. Ni ndigə njə̄rā gō nang kə́ Jude tə́ alé, tām̄ *Jipə gə̄ sāān̄ tɔ̄lə̄n.

Bibəl ta Sar̄

¹ Gō yá̰a̰ gə̄ ń toō tə́ anī, Jeju njə̄rā gō nang kə́ Galile tə́. Ni ndigə njə̄rā gō nang kə́ Jude tə́ alé, tām̄ Jipə gə̄ sāān̄ tɔ̄lə̄n.

JA̰A̰ 7:1 Referans Kwoze

JA̰A̰ 4:3

Dan ń Jeju ger̄ kadə̄ *Parijiyḛ gə̄ oōn̄ najə̄ ń noō ní, ni-əya̰ gō nang kə́ Jude, ba tél aw̄ gogə́ Galile.

MATIYE 21:38

Banī dan ń ngé ndɔr̄ gə̄ ní a̰a̰n̄ ngōnən anī, ədan̄ naā na deē ń ndɔ̄ń tə́ a tél kɔ́ɔ̄ loo ní ni n toó, ādə̄ jə-tɔ̄l̄niī ba jə-taāī loo yān ní jīn tə́.

JA̰A̰ 7:19

I Moijə n adə̄sí *ndū najə̄ ní aĺ a? Ba deē kógə̄ḿ kə́ dansí tə́ kə́ ngɔ̄m̄ ndū najə̄ gətóo. I tām̄ rí tə́ á ī-sāāī tɔ̄lə̄m̄ ní?

MATIYE 10:23

Ré a rāān̄sí ndoō tə́ kem ɓē kógə̄ḿ tə́ anī, ā̰yī kə̄ kem ɓē kə́ rang tə́. Ādə̄ m-ə́dásí najə̄ kə́ bo ngá̰ý, ā ā̰yī kə̄ gō ɓē gə̄ malang kə́ *Israel tə́ aĺ ɓáý n Ngōn̄ Deē a reēń ní.

KƏLA RĀĀ 10:38

Kadə̄ ń Nə́ɓā adə̄ Jeju kə́ *Najaret *Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā *diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

JA̰A̰ 4:54

Nge ń toō i yá̰á̰ kə́ yáā kə́ nge ko̰ jōó ń Jeju rāā ní. Ni-rāā yá̰á̰ ní i dan ń ni-ḭḭ dɔ nang kə́ Jude tə́ ba reē ugə̄ dɔ nang kə́ Galile tə́ ní.

JA̰A̰ 1:19

Najə̄ ń Ja̰a̰ əda dɔ rɔ̄n tə́ dan ń *Jipə kə́ *Jerusalem gə̄ əlan̄ *ngé tun̄ yá̰a̰ gə̄ ō, *ngán Lebi gə̄ ō, kadə̄ reē dəjenən̄ na ké ni i náā wa ní n toó.

JA̰A̰ 8:40

Ba ń toō ɓáa, dan ń m-ə́dásí najə̄ kə́ rɔ̄kum ń m-ōō ta Nə́ɓā tə́ ní, anī sḭḭ̄ ī-sāāī tɔ̄lə̄m̄. Banī yá̰á̰ ń noō Abəraham rāā alé.

JA̰A̰ 8:37

m̄-ger̄ kadə̄ sḭḭ̄ i ngán kaa Abəraham gə̄, banī ī-sāāī tɔ̄lə̄m̄. Tɔdɔ̄ najə̄ yāḿ ənge loo kemsí tə́ alé.

JA̰A̰ 7:25

De kə́rēý gə̄ kə́ *Jerusalem ədan̄ na: I deē ń toō n a sāānən̄ yā tɔ̄lə̄n ní aĺ a?

MARK 11:18

Loo ń ngol gə̄ kə́ dɔ *ngé tun̄ yá̰a̰ gə̄ tə́ kə ngé ndóō de gə̄ ndū najə̄ gə̄ oōn̄ beé ní anī, sāān̄ loo tɔ̄lən kɔ̄ɔ́, tɔdɔ̄ nin̄-ɓōĺnən̄, tām̄ yá̰a̰ gə̄ ń ni ndóō kósə de gə̄ ní ɔr kumdə́ ngá̰ý.

JA̰A̰ 6:1

Gō yá̰a̰ gə̄ ń toō tə́ anī, Jeju aw̄ gidə bā bo kə́ Galile tə́ ń rīn kə́ rang na i Tiberiadə ní.

JA̰A̰ 7:11

Kem ndɔ̄ gə̄ ń de gə̄ a rāān̄neé nāā tə́ ní, *Jipə gə̄ sāānən̄ ba dəjen̄ na ké ni i rá wa.

JA̰A̰ 7:13

Banī deē kógə̄ḿ kə́ əda najə̄ yān kə̄ ndágá wáńg beē gətóo, tɔdɔ̄ nin̄-ɓōlə́n̄ i *Jipə gə̄.

JA̰A̰ 7:35

Gō najə̄ ń toō tə́ anī *Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan *Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?