JA̰A̰ 3:3 - Bible sar

³ Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ *Ɓē ko̰o̰ yā Nə́ɓā alé.

Bibəl ta Sar̄

³ Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JA̰A̰ 3:3 Referans Kwoze

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

1 JA̰A̰ 5:1

Náā nəkɔ́ ń taā kem kadə̄ Jeju i *Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

TITƏ 3:5

ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ *Ndíĺ kə́ Táĺ ō.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju *Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

GALATƏ 6:15

Tɔdɔ̄ *kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n *Sətan ń i de kə́ majaĺ ní ɔdəń rɔ̄n aĺ ní.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ *kɔsə gɔn yā *Kərist ń ɔsə kum gotə Nə́ɓā nəkɔ́ ní alé ní.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

JA̰A̰ 1:5

Loo kə́ unjə̄ kow ní unjə̄ kum til tə́, ba til asə ger̄ loon alé.

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

JA̰A̰ 1:51

Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, *de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ *ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JEJU TEĒ KUM JA̰A̰ 3:14

Ī-ndang najə̄ ń toō ādə̄ *de kə́ dɔ rā̰ tə́ yā Egəlijə kə́ Laodise: Najə̄ ń deē ń i Amen ō, ni i de kə́ kum tə́ kə́ nge ra dɔ ndūn tə́ ō, ni i de kə́ rɔ̄kum ō, Nə́ɓā əndā yá̰a̰ malang i kə ta kūl̄neé ō əda ní n toó:

EJEKIEL 36:26

M-ā m-ādə̄sí ngarā̰ kem kə́ kijə ō, m-ā m-ə́la ndíĺ kə́ kijə kemsí tə́ ō. M-ā m-ɔ̄r̄ ngarā̰ kem kə́ ngan̄g tītə̄ mbal̄ kemsí tə́ kɔ̄ɔ́ ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

MATIYE 19:24

Ādə̄ m-ə́dásí najə̄ kə́ bo ngá̰ý kə́rēý ɓáý to̰: Kadə̄ jámbal mān̄ kum bəlo líbə́ri tə́ ní, i yá̰á̰ kə́ ngan̄g ɓá tā, ba kadə̄ de kə́ ənge yá̰á̰ ngá̰ý udə kem *Ɓē ko̰o̰ yā Nə́ɓā tə́ ní, i yá̰á̰ kə́ ngan̄g tɔȳn.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem *Ɓē ko̰o̰ yā Nə́ɓā tə́ kété nosí tə́.

MARK 9:47

Ba ré kumií a rāāī kadə̄ ə̄sō anī, ɔ̄rə̄n kɔ̄ɔ́. I só tə́ kadə̄ údə kə kumií kə́ kógə̄ḿ beē kem *Ɓē ko̰o̰ yā Nə́ɓā tə́, tɔȳ kadə̄ ənīnī kə kumií kə́ jōó gə̄ kum hor Gehen tə́,

MARK 10:14

Dan ń Jeju a̰ā̰ anī, nelə̄n alé, adə̄ ni-ədadə́ na: Əya̰ī ngáń kə́ dūú gə̄ ādī reēn̄ kə̄ rɔ̄ḿ tə́, ba ī-lōōī kɔgə̄də́ reē, tɔdɔ̄ i de kə́ tītə̄də́ beē gə̄ n *Ɓē ko̰o̰ yā Nə́ɓā i tām̄ yādə́ tə́ ní.

JA̰A̰ 3:4

Anī Nikodem ədan na: Ba deē ń tɔgə ɓə́ga kɔ̄ɔ́ ní, a ojənən̄ gogə́ ɓáý to̰ i ba̰ý? Ni a asə kudə kem kó̰o̰n tə́ nja kə́ ko̰ jōó ɓáý to̰ kadə̄ tél ojənən̄ gogə́ rang a?

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.