JA̰A̰ 10:1 - Bible sar

¹ Ādə̄ m-ə́dásí najə̄ kə́ bo ngá̰ý, nge ń udə kə ta róbə gɔng batə̄ gēé alé, ba al̄ i dɔ gɔng tə́ n jə̄ngā kemeé ní, i nge ɓogə ō, nge gān̄g róbə ō.

Bibəl ta Sar̄

¹ Ādə̄ m-ə́dásí najə̄ kə́ bo ngá̰ý, nge ń udə kə ta róbə gɔng batə̄ gēé alé, ba al̄ i dɔ gɔng tə́ n jə̄ngā kemeé ní, i nge ɓogə ō, nge gān̄g róbə ō.

JA̰A̰ 10:1 Referans Kwoze

MATIYE 7:15

Ī-ngɔ̄mī rɔ̄sí tām̄ yā *ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ *ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

HEBƏRO 5:4

De kə́ asə kəndā rɔ̄n ngol *ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń *Aaro̰ ní.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

1 PIYER 1:10

Ngé koō ta gə̄ sāān̄ gír najə̄ kə́ dɔ kajə ngeé ń toō tə́ ō, əndān̄ ma̰y ō. Adə̄ yá̰á̰ ń Nə́ɓā a rāā yā kadə̄sí karī ní, ni-əndā najə̄n tadə́ tə́ adə̄ ədan̄ kété.

JEREMI 23:32

M-ā m-ə́ndá *ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ *Ɓē ko̰o̰ yā Nə́ɓā alé.

JEREMI 23:21

M-ə́lá *ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

JEREMI 14:15

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Yá̰á̰ kə́ sɔɔ̄ dɔ *ngé koō ta gə̄ ń unən̄ rīḿ ɔrə̄n̄neé najə̄ banī m-ə́ládə́ aĺ ní n toó. Ká ré nin̄ gírə̄n̄ kadə̄ kaskar ō, ɓō ō, a gətóon̄ kem ɓē ń toō tə́ gə̄gē anī, *ngé koō ta gə̄ ń noō a oyn̄ i yo kaskar ō, yo ɓō ō.

JOEL 2:9

Nin̄ taān̄ loo kem ɓēé ō, a̰ȳn̄ ngɔ̄də̄ dɔ ndogə̄ mbal̄ gə̄ tə́ ō, alə̄n̄ dɔ kújə gə̄ tə́ ō, tudən̄ kum ko̰rō̰ kújə gə̄ tə́ aw̄n̄neé kemeé tītə̄ ngé ɓogə gə̄ beé ō.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.