IJAI 5:1 - Bible sar

¹ Ə́yam̄ ādə̄ m-ún rī madə́ḿ m-ə̄niń pā kógə̄ḿ. Pā ní ɔr̄ i najə̄ yā madə́ḿ ō, najə̄ yā ndɔr̄ *kāgə̄ nduú yān ō. Madə́ḿ aw̄ kə ndɔr̄ *kāgə̄ nduú kógə̄ḿ dɔ ngōn̄ mbal̄ kógə̄ḿ kə́ nang kə́ tū tə́ teē yá̰á̰ ngá̰ý tə́.

Bibəl ta Sar̄

¹ Ə́yam̄ ādə̄ m-ún rī madə́ḿ m-ə̄niń pā kógə̄ḿ. Pā ní ɔr̄ i najə̄ yā madə́ḿ ō, najə̄ yā ndɔr̄ kāgə̄ nduú yān ō. Madə́ḿ aw̄ kə ndɔr̄ kāgə̄ nduú kógə̄ḿ dɔ ngōn̄ mbal̄ kógə̄ḿ kə́ nang kə́ tū tə́ teē yá̰á̰ ngá̰ý tə́.

IJAI 5:1 Referans Kwoze

MARK 12:1

Gō tə́ anī Jeju ɔr̄ najə̄ sedə́ kə kūjə́ najá əda na: Deē kógə̄ḿ əndā *kāgə̄ nduú gə̄ kem ndɔr̄ yān tə́ ba əndā ndogə̄ mbal̄ gīrəń gidə ō, ndēr̄ bəlo kadə̄ mbə́reń kan̄ kāgə̄ nduú ō, rāā kújə ngɔm̄ kə́ ngāl̄ ɓururu kum kə̄ dɔɔ́ ta ndɔr̄ ní tə́ ō, əndā ngé ndɔr̄ gə̄ ta tə́ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

Najə̄ kə́ Majə yā Jeju ń Luk ndang ní 20:9

Anī Jeju un kūjə́ najə̄ ń toō əda ngán Israel gə̄: Deē kógə̄ḿ əndā *kāgə̄ nduú gə̄ kem ndɔr̄ yān tə́, ba əndā ngé ndɔr̄ gə̄ ta tə́ kadə̄ a̰ā̰n̄ gō ō, adə̄nən̄ kanə̄n ō, ba aw̄ mbā kə́ gō ngāl̄ ngá̰ý.

JA̰A̰ 15:1

Mā i *kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

MATIYE 21:33

Ōōī kūjə́ najə̄ kə́ rang ɓáý to̰. Kɔ́ɔ̄ loo kógə̄ḿ ndɔr̄ *kāgə̄ nduú ba əndā ndogə̄ mbal̄ gīrəń gidə ō, ndēr̄ bəlo kə́ yā mbə́reń kan̄ kāgə̄ nduú kemeé ō, rāā kújə ngɔm̄ kə́ ngāl̄ ɓururu kum kə̄ dɔɔ́ kemeé ō, ba adə̄ ngé ndɔr̄ kāgə̄ nduú gə̄ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

JEREMI 2:21

Mā m-ə̄ndāī, adə̄ ī-to tītə̄ *kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

PĀ KƏ́ MAJƏ 2:16

Kó tár yāḿ i tām̄ yāḿ tə́ ō, mā i tām̄ yān tə́ ō. Ni-aw̄ kə yá̰a̰ kul̄ yān gēé adə̄ ra a əsan̄ yá̰a̰ dan hútə̄ ndə́ja gə̄ tə́.

PĀ KƏ́ MAJƏ 6:3

Mā i tām̄ yā kó tár yāḿ tə́ ō, kó tár yāḿ i tām̄ yāḿ mā tə́ ō. Ni-aw̄ kə yá̰a̰ kul̄ yān gēé adə̄ ra a əsan̄ yá̰a̰ dan hútə̄ ndə́já lis gə̄ tə́.

PĀ KƏ́ MAJƏ 5:16

Kem tan sɔl̄ lum ō, m̄-gḛy rɔ̄n malang ō. Ngáń kə́ dəyá̰ kə́ Jerusalem gə̄, kó tár yāḿ n noó, madə́ḿ n noó!

PĀ KƏ́ MAJƏ 5:2

Mā m̄-ɓīī banī kemḿ ɓīī alé. M-ōō kōō kó tár yāḿ kə́ a gógə̄ ta róbə! Ngōkó̰ó̰ḿ kə́ dəyá̰, madə́, dér dum yāḿ, nge majə kɔtə̄ kə taá yāḿ, ī-teē ta róbə ādə̄m̄ tə́. Tɔdɔ̄ dɔḿ i tal malang ō, man̄ kə́ tə́sō ndɔ̄ɔ́ gə̄ nɔ̄lə̄n̄ nənga dɔḿ ō.

PĀ GƏ̄ 45:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. Pā yā ngán Kore gə̄ yā ndóoń deē yá̰a̰. I pā tár.

PĀ GƏ̄ 101:1

Pā yā Dabid. Kɔ́ɔ̄ɓē, m̄-ndígə̄ kənī pā dɔ kem majə tə́ ō dɔ yá̰á̰ kə́ súmūú tə́ ō, m̄-ndigə kugə kənde ō, tām̄ yāí tə́!

PĀ GƏ̄ 60:5

Ī-rāā ādə̄ yá̰á̰ kə́ ngan̄g rāā gír deē yāí gə̄. Ḭ̄ ādə̄jí kasə kə́ ngan̄g adə̄ j-a̰ȳ.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ *kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

EJEKIEL 15:2

Ḭ̄ ngōn̄ deē, *kāgə̄ nduú majə tɔȳ gotə kāgə̄ kə́ rang gə̄ a? Ta jīn gə̄ majən̄ tɔȳ ta jī kāgə̄ kə́ rang gə̄ kə́ kem ku loo tə́ a?

OJEE 10:1

Kété ní *Israel i *kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā *loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

NDŪ NAJƏ̄ 8:7

Kɔ́ɔ̄ɓē Nə́ɓā yāsí a aw̄ sesí i dɔ nang kə́ majə tə́, i dɔ nang kə́ man̄ a nūgə́ tū tə́ ō, man̄ kə́ teē nang tə́ gə̄ a nūgə́n̄ tū tə́ ō, man̄ kə́ gíŕ nángāá gə̄ a kə̄rān̄ tū tə́ kum wól loo gə̄ tə́ ō, dɔ mbal̄ gə̄ tə́ ō.

NDŪ NAJƏ̄ 8:10

Ā ə́saī yá̰a̰ tū tə́ kadə̄ ā ī-ndānī ō, ā ə́daī najə̄ kə́ majə dɔ Kɔ́ɔ̄ɓē Nə́ɓā yāsí ń adə̄sí dɔ nang kə́ majə ní tə́ ō.

EJEKIEL 19:10

Kó̰ó̰sí to i tītə̄ *kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.