IJAI 4:6 - Bible sar

⁶ tītə̄ dɔ kújə́ kə́ rāā kə mbī kāgə̄ gēé kadə̄ rāā ndíl kadaá dan ń mbang a ɔsə tə́ ní. Ni a rāā rɔ̄n i yá̰á̰ kə́ yā ndi gírí tə́ ō, loo ɓɔ̄ɔ̄ rɔ̄ tə́ ō, tām̄ yā nél man̄ kə́ əla kə ngangá ngá̰ý tə́ ō, tām̄ yā man̄ kə́ a edə tə́ ō.

Bibəl ta Sar̄

⁶ tītə̄ dɔ kújə́ kə́ rāā kə mbī kāgə̄ gēé kadə̄ rāā ndíl kadaá dan ń mbang a ɔsə tə́ ní. Ni a rāā rɔ̄n i yá̰á̰ kə́ yā ndi gírí tə́ ō, loo ɓɔ̄ɔ̄ rɔ̄ tə́ ō, tām̄ yā nél man̄ kə́ əla kə ngangá ngá̰ý tə́ ō, tām̄ yā man̄ kə́ a edə tə́ ō.

IJAI 4:6 Referans Kwoze

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 8:14

Tām̄ yā ɓē ko̰o̰ kə́ jōó gə̄ yā *Israel tə́ ní, ni i *loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

JEJU TEĒ KUM JA̰A̰ 7:16

Ɓō a rāādə́ to̰ aĺ ō, kəndā a rāādə́ to̰ aĺ ō, mbang ō, kəngān ō, a rāān̄ yá̰a̰ sedə́ to̰ aĺ bátə́ ō.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

EJEKIEL 11:16

I beé ní, ngé gə̄ ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ naā tə́ seí ní, ā ə́dádə́ na: Najə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní n toó: M-ə́la sesí sa̰y, kə̄ loo gə̄ tə́ malang dan nápar de gə̄ tə́ ɓá tā, ba mā i dansí tə́ tītə̄ ń m̄-ndiń kem *loo kə́ táĺ tə́ tə́.

PĀ GƏ̄ 55:8

A̰á̰ā̰, m-ā m-ā̰ȳ yā kaw̄ sa̰y, kaw̄ ndi kem dəla loo tə́.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ *Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

IJAI 32:1

Mbang kógə̄ḿ kə́ a o̰o̰ ɓē i kə yá̰a̰ rāā kə́ gōtə́ a ndi. Ngār gə̄ a ɔrən̄ de gə̄ ta róbə i kə ɓōĺ gidə yá̰á̰ kə́ súmūú.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.