IJAI 26:6 - Bible sar

⁶ De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

Bibəl ta Sar̄

⁶ De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

IJAI 26:6 Referans Kwoze

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ *Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə *Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

JOJUE 10:24

Dan ń teēn̄ kə mban̄g kə́ mí ní reēn̄ sedə́ rɔ̄ Jojue tə́ oy anī, Jojue ɓāŕ de kə́ dəngam gə̄ malang ké Israel tə́ ba əda ngol ngé rɔ̄ɔ̄ gə̄ ń aw̄n̄ seneé rɔ̄ tə́ ní na: Ī-reē ī-tə́ndāī njasí míndə mban̄ gə̄ ń toō tə́. Ngol ngé rɔ̄ɔ̄ gə̄ ní reē tə́ndān̄ njadə́ míndə mban̄g gə̄ ní tə́.

JEJU TEĒ KUM JA̰A̰ 2:26

Deē ń tetə rɔ̄ɔ̄, adə̄ kəla rāāḿ gə̄ ní ni-əndā kumən gírí ba rāā anī, m-ā m-ādə̄ a o̰o̰ ɓē dɔ nápar de gə̄ tə́.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

1 KORḚNTƏ 1:26

Ngákó̰ó̰ḿ gə̄, sḭḭ̄ ń Nə́ɓā ɓāŕsí ní, ə̄ndāī ma̰ȳ rɔ̄sí sḭḭ̄ kɔ́ gə̄ á̰a̰ī ké sḭḭ̄ i naā gə̄ wa. Ta kum deē tə́ ní, ngé kum kedə̄ gə̄ i ngá̰ý dansí tə́ aĺ ō, ngé kə́ kə tɔ́gə́də́ gə̄ i ngá̰ý dansí tə́ aĺ ō, de kə́ gír kaa yā de kə́ bo gə̄ tə́ i ngá̰ý aĺ ō.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ *táĺ tə́ ō.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ *táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

JEREMI 50:45

Ī-nēlī mbīsí ɓáý to̰ ōōīneé yá̰á̰ ń Kɔ́ɔ̄ɓē ɔjə rāā kə ɓē kə́ *Babilon ní, yá̰a̰ gə̄ ń ni núm̄ rāā kə ɓē yā Kalde gēé ní. I gáŕ kadə̄ a ndɔ́rə̄n̄ tītə̄ dā̰ gə̄ beé dɔ gúú tə́, kə ngé kə́ dūú ngá̰ý gə̄gē. I gáŕ kadə̄ de gə̄ a nujən̄ gong yādə́ gə̄ sák sák kɔ̄ɔ́ najə̄ yādə́ tə́.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i *Siyo̰ yā Nə́ɓā kə́ *táĺ yā *Israel ō.

IJAI 37:25

Mā m̄-ndēr̄ bəlo man̄ gə̄ ba m-ā̰ȳ man̄ kə́ kemdə́ gə̄ tə́. Man̄ bā gə̄ kə́ Ejiptə tə́ ní, m-ā m̄-rāādə́ kadə̄ a tutən̄, kə ta kūl̄ kəndā njaḿ kem ɓē ń toō tə́!

IJAI 25:10

Jī Kɔ́ɔ̄ɓē ngɔ̄m̄ mbal̄ *Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi *Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i *Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

IJAI 3:14

Ni-aw̄ kə *kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

IJAI 28:3

Ɓē kə́ to tītə̄ *jākā mbang beé, adə̄ i yá̰a̰ kənda gúu yā ngé kasə rāā gə̄ kə́ *Epəraim ní, a rējə̄nən̄ kɔ̄ɔ́.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ *táĺ yā Israel tə́.

2 MBAN̄G 9:33

Yehu ədadə́ na kə mbəren̄ Jesabel kadə̄ əsō nang tə́. Nin̄ mbərenən̄ adə̄ əsō. Mósən kə̄rā tū ndogə̄ mbal̄ tə́ ō ɔdə sə́nda gə̄ ō. Yehu tə́ɓān kə njaneé.