IJAI 26:12 - Bible sar

¹² Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

Bibəl ta Sar̄

¹² Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

IJAI 26:12 Referans Kwoze

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ *Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

PĀ GƏ̄ 57:2

Ɓɔ́ Nə́ɓā, á̰a̰ kum tō ndoō yāḿ! Tɔdɔ̄ m̄-rāāī i loo ɓɔ̄ɔ̄ rɔ̄ yāḿ tə́. m̄-ɓɔ̄ɔ̄ rɔ̄ḿ i ndíl bɔ̄gīí tə́, bátə́ kadə̄ gíŕ yá̰á̰ kə́ to kum kaȳ aĺ gāngəń.

PĀ GƏ̄ 29:11

Kɔ́ɔ̄ɓē a adə̄ gír deē yān gə̄ tɔ́gə. Ni a rāā sedə́ kadə̄ ndin̄ kə lápə́yaá.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

HEBƏRO 13:20

I kə ta kūl̄ mósə yā *madə̄ naā kə́ a to ngándáńg n Kɔ́ɔ̄ɓē yājí Jeju *Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a *ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

EJEKIEL 36:25

M-ā m̄-ɓōkə́ man̄ kə́ *unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán *Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

IJAI 57:10

Ḭ̄ ī-ngatə́rā ngá̰ý, banī ngatə́rā yāí ní rāā adə̄ kɔr rāāī. Banī ḭ̄ ə́da najə̄ ń toō alé: I yá̰á̰ kə́ kanjə̄ kumən! Ḭ̄ ī-téĺ ə́ngé tɔ́gə gogə́ rang, loo ń noō tə́ kɔr ń rāāī ní ḭ̄ ī-tetən rɔ̄ɔ̄.

PĀ GƏ̄ 68:28

Benjamḛ ń i ngōn̄ kə́ dūú ní i laā, tá ngār kə́ *Juda gə̄ ō, kə́ Jabulo̰ gə̄ ō, kə́ Nepətali gə̄ ō, i laā ō.

PĀ GƏ̄ 90:17

Ādə̄ háĺ kə́ sɔl̄ lɔm yā Kɔ́ɔ̄ɓē Nə́ɓā yājí i sejí! Ī-rāā ādə̄ kəla ń jə-rāā kə jījí ní əla ngəran ngan̄g, a̰á̰ā̰, kəla ń toō ń jə-rāā kə jījí ní, ī-rāā ādə̄ ra ngan̄g.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

IJAI 26:3

Ni əya̰ yá̰á̰ kógə̄ḿ adə̄ nujə kemən alé. Kɔ́ɔ̄ɓē, ḭ̄ ādə̄n lɔm, tām̄ ni ənī kemən adī.

IJAI 27:5

Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ *táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā *Israel ní.

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

TƏ́DA 6:26

Ādə̄ Kɔ́ɔ̄ɓē əndā kumən gōsí tə́ ō, sɔl̄ kemsí ō.

PĀ GƏ̄ 57:3

m̄-nōō kə̄ dɔ Nə́ɓā kə́ dɔɔ́ sa̰y ngá̰ý tə́ kadə̄ ajəm̄, m̄-nōō kə̄ dɔ Nə́ɓā ń a rāā yá̰a̰ malang tām̄ yāḿ tə́ ní.