IJAI 21:3 - Bible sar

³ I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

Bibəl ta Sar̄

³ I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 21:3 Referans Kwoze

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

IJAI 26:17

Kɔ́ɔ̄ɓē, kété ní jə-ra noí tə́ i tītə̄ dəyá̰ kə́ a rāā yā kojə ngōn̄ beé. Dəyá̰ ní a̰a̰ tápə̄ ō, əga kɔŕ tɔdɔ̄ rɔ̄n tōrə̄n ō.

PĀ GƏ̄ 48:6

Dan ń nin̄ a̰a̰n̄ yá̰á̰ ń Kɔ́ɔ̄ɓē rāā ní anī sitə̄n̄ sata ō, ɔr kumdə́ ngá̰ý ō. ɓōĺ kə́ ngá̰ý rāādə́ adə̄ a̰ȳn̄ naā kɔ̄ɔ́.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

JEREMI 48:41

Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

IJAI 16:11

I tām̄ najə̄ ń noō tə́ n kemḿ nōō dɔ ɓē kə́ Moab tə́ ní. Nōō yāḿ ɓār̄ tītə̄ kōō kənde kənde kə́ kugə kənīń pā beé. m̄-nōō tām̄ yā Kir Heres tə́.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

IJAI 16:9

I tām̄ najə̄ ń toō tə́ n m̄-nōō kə de kə́ Yajer gēé tām̄ yā kāgə̄ *nduú gə̄ kə́ Sibəma tə́ ní. M-ā m̄-ɓōkə́ man̄ kumḿ gíŕsí tə́, ḭ̄ Hesəbon ō, ḭ̄ Elale ō. Tām̄ kɔĺ rɔ̄ɔ̄ ɓār̄ dɔ kan̄ *nduú yāsí tə́ ō, dɔ kan̄ *nduú yāsí kə́ ə́jaī tə́ ō.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

NDŪ NAJƏ̄ 28:67

Yá̰a̰ gə̄ ń a rāān̄ yá̰á̰ á ā á̰a̰ā̰ ní kemií a gān̄g man̄. Adə̄ ré loo i dəloí anī ā ə́da na ké loo a tíbə i rə́ngáý tə́ wa ō, ré loo tíbə anī ā ə́da na ké loo a tīī i rə́ngáý tə́ wa ō.

JA̰A̰ 16:21

Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.