IJAI 19:1 - Bible sar

¹ Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

Bibəl ta Sar̄

¹ Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 19:1 Referans Kwoze

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, *adə̄ i tītə̄ ń noō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ *Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

IJAI 13:1

Najə̄ kə́ dɔ *Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

JAKARI 14:18

Ré gír kojə gə̄ kə́ Ejiptə gə̄ aw̄n̄ Jerusalem rāā nāā kújə́ kámbə gə̄ tə́ aĺ anī, yá̰á̰ kə́ tōr̄ kógə̄ḿ a əsō dɔdə́ tə́, tītə̄ ń əsōń dɔ nápar de gə̄ ń a aw̄n̄ rāā nāā ngeé ń noō tə́ aĺ ní.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

JEREMI 25:19

Gotə nápar de gə̄ ń a̰ȳn̄ kópə ngeé ń toō ní, nin̄ n toó: *Parao̰ mban̄g kə́ Ejiptə ō, ngé kəla yān gə̄ ō, de kə́ bo yān gə̄ ō, gír deē yān gə̄ malang ō,

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ *Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

IJAI 13:7

I tām̄ najə̄ ń toō tə́ n jī de gə̄ malang ur̄ wak ní, tɔ́gə de gə̄ teē kɔ̄ɔ́.

PĀ GƏ̄ 104:34

Kɔ́ɔ̄ɓē, ādə̄ pā tə́da yāḿ nel̄ kemií ō, ādə̄ rɔ̄ḿ nelə̄m̄ dɔí tə́ ō.

PĀ GƏ̄ 68:4

Banī de kə́ súmūú gə̄ rāān̄ rɔ̄nel̄, tḭ́ḭ̄n̄ bal walya ta kum Nə́ɓā tə́. Nin̄ ndāmə̄n̄ ndām̄ rɔ̄nel̄.

JOJUE 2:24

Nin̄ ədan̄ Jojue na: Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

PĀ GƏ̄ 18:9

Sa kógə̄ḿ teē kó̰ń Kɔ́ɔ̄ɓē tə́, hor kə́ o̰o̰ bəlim bəlim ō, yā̰l̄ hor ō teēn̄ tan tə́.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī *yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum *nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

TƏ́DA 33:4

Dan ń noō tə́ ní de kə́ Ejiptə gə̄ ra a dubə̄n̄ i hágə́də́ gə̄ ń Kɔ́ɔ̄ɓē tɔ̄l̄də́ malang ɔjəń tɔ́gən dɔ ɓesə̄ yādə́ gə̄ tə́ ní.