IJAI 17:3 - Bible sar

³ Ndogə̄ mbal̄ kə́ yā rɔ̄ɔń dɔ ɓē tə́ a gətóo dɔ nang kə́ *Epəraim tə́. Mban̄g a gətóo Damas. Gotə de kə́ Aram gə̄ ń a na̰yn̄ ní, a tɔyn̄ *Israel gə̄ alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Bibəl ta Sar̄

³ Ndogə̄ mbal̄ kə́ yā rɔ̄ɔń dɔ ɓē tə́ a gətóo dɔ nang kə́ Epəraim tə́. Mban̄g a gətóo Damas. Gotə de kə́ Aram gə̄ ń a na̰yn̄ ní, a tɔyn̄ Israel gə̄ alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 17:3 Referans Kwoze

OJEE 9:11

Ngɔlaā ní kɔjə rɔ̄ yā Epəraim gə̄ a ḭḭ bɔ̄gə̄ yā kaw̄ kɔ̄ɔ́ tītə̄ yel̄ kə́ ḭḭ bɔ̄gə̄ aw̄ kɔ̄ɔ́ beē: Ngán gə̄ a gətóon̄ ō, dəyá̰ kə́ ngé ndān̄ ngán gə̄ a gətóon̄ ō, deē a ojə deē ndul to̰ aĺ ō!

IJAI 8:4

Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.

IJAI 7:16

Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ *Israel ō. Ɓá tā , ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.

IJAI 7:8

Tām̄ Damas i ɓē bo kə́ Aram ō, Resin ni i ngār kə́ Damas ngóy ō. Samari i ɓē bo kə́ Epəraim ō, Peka ni i ngār kə́ Samari ngóy ō. Kem ɓāl̄ kutə mehḛ́ gidə i mí anī, gír deē yā Epəraim gə̄ a gətóon̄ kɔ̄ɔ́. Ré ə̄nī kemsí mámák ādī Kɔ́ɔ̄ɓē aĺ anī, ā ásiī ra gotoó alé.

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

OJEE 8:8

Urən̄ *Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.

OJEE 3:4

Tɔdɔ̄ ngán *Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ *Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ *Israel tə́ kɔ̄ɔ́.

IJAI 17:4

Ndɔ̄ ngeé ń noō tə́ ní, bo yā *Israel a tél kə̄ nang tə́, kɔȳn i ngá̰ý to̰ alé.

IJAI 16:14

Ba ngɔlaā ní Kɔ́ɔ̄ɓē əda na: Ɓāl̄ mətá ta asə naā anī, de kə́ bo gə̄ kə́ Moab ō, Moab gə̄ ń nin̄ i ngá̰ý ō ní, nin̄ i yá̰á̰ kógə̄ḿ to̰ alé. Ngé gə̄ ń a na̰yn̄ ní, nin̄ i sḛý beē, ngá̰ý aĺ bátə́.

IJAI 10:9

Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

2 MBAN̄G 16:9

Mban̄g kə́ Asiri rāā yá̰á̰ ń Akaj dəjen ní, aw̄ ənī ɓē kə́ Damas rɔ̄ɔ̄. Ni-taā ɓē ba ɔy de kə́ kemeé gə̄ aw̄ sedə́ Kir ō, tɔ̄l̄ Resin ō.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.