IJAI 13:1 - Bible sar

¹ Najə̄ kə́ dɔ *Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

Bibəl ta Sar̄

¹ Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

IJAI 13:1 Referans Kwoze

JEREMI 50:1

Najə̄ kə́ Kɔ́ɔ̄ɓē ɔr̄ kə ɓē kə́ *Babilon, ɓē yā Kalde gə̄, kə ta kūl̄ Jeremi *nge koō taā ní n toó.

IJAI 1:1

Yá̰á̰ kə́ dɔ ɓē ko̰o̰ yā *Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 14:28

Ɔjən̄ najə̄ ń toō i ɓāl̄ ń mban̄g Akaj oyń tə́ ní.

IJAI 13:19

*Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

MALASI 1:1

Najə̄ ń Kɔ́ɔ̄ɓē ɔr̄ kə *Israel gə̄ kə ta kūl̄ Malasi ní n toó.

JAKARI 9:1

Najə̄ yā Kɔ́ɔ̄ɓē. Najə̄ yā Kɔ́ɔ̄ɓē ugə̄ gō nang kə́ Hadərak tə́ ō, dəba Damas ō. Tām̄ Kɔ́ɔ̄ɓē a̰a̰ i gír ɓē gə̄ yā *Israel ngóy alé, banī deē ndul gə̄ malang ní, ni a̰a̰də́ ō.

HABAKUK 1:1

Najə̄ ń Nə́ɓā əda Habakuk nge koō ta dan ń ni a̰a̰ń yá̰á̰ tə́ ní n toó.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum *nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

EJEKIEL 12:10

Anī ī-téĺ ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Yá̰á̰ ń toō i tāā kə́ tām̄ yā ngār kə́ Jerusalem tə́ ō, ngán *Israel gə̄ malang ń ndin̄ noó ní tə́ ō.

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ *táĺ yā *Israel, əda ní n toó: M-ə́la kə deē kógə̄ḿ *Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

IJAI 22:25

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ndɔ̄ kógə̄ḿ tə́ anī, gində̄ kə́ dɔ rugə kə́ kəla kadə bɔr tə́ ní a tetə. Tá əlan̄ gində̄ ní i loo kə́ ngan̄g tə́. Gində̄ ní a tetə ō, a əsō ō. Loo ń noō tə́ a nujən̄ yá̰á̰ ń kété ni ətō ní kɔ̄ɔ́. Tɔdɔ̄ i Kɔ́ɔ̄ɓē n ɔr̄ najə̄.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

IJAI 21:13

Najə̄ yā dɔ nang kə́ Araba. Sḭḭ̄ ɓūtə̄ ngé njə̄rā mbā dəla loo tə́ gə̄ kə́ Dedan, āw̄ ī-toī ndɔ̄ɔ́ kem bembeé dɔ nang kə́ Araba tə́ ādə̄ loo tīī dɔsí tə́.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 17:1

Najə̄ yā ɓē kə́ Damas. Sḛ́ý to̰ anī Damas i ɓē bo to̰ alé, ni i kɔkərɔ kə́ kán̄ dɔ naā tə́ ngóy.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā *Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

MATIYE 1:11

Josias ojə Jekonia ō, ngákó̰o̰n gə̄ ō. Loo ń noō tə́ əhɔn̄ de gə̄, aw̄n̄ sedə́ *Babilon.

JEJU TEĒ KUM JA̰A̰ 14:8

Anī *de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: *Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə *nduú ń i ájə́ba kɔ̄r̄ yān ní adə̄ a̰ȳn̄.

2 MBAN̄G 9:25

Yehu əda Bidkar nge kətō der yān na: Únən āw̄ ə̄nīn kem ndɔr̄ yā Nabot kə́ Jisreel tə́. Ba ādə̄ əga kemií dɔ najə̄ ń Kɔ́ɔ̄ɓē əda bɔbə̄n kété dan ń jḭḭ seí jōó, ḭ̄ ō, mā ō, jə-ndi kem púsú gō bɔbə̄n tə́ j-a jə-dānə̄nəń ní tə́.

IJAI 20:2

Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

JEREMI 24:1

Dan ń Nabukodonosor mban̄g kə́ *Babilon əhɔ Yekonia, ngōn̄ Joakim mban̄g kə́ *Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta *kújə yā Kɔ́ɔ̄ɓē tə́.

JEREMI 28:8

Jóo nəkɔ́ ń toō ní, *ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem *loo kə́ táĺ tə́ kem *kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.