IJAI 1:16 - Bible sar

¹⁶ Ī-tə́goī rɔ̄sí, ī-rāāī rɔ̄sí ādī *unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

Bibəl ta Sar̄

¹⁶ Ī-tə́goī rɔ̄sí, ī-rāāī rɔ̄sí ādī unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

IJAI 1:16 Referans Kwoze

1 PIYER 3:11

Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī *unjə̄ njáý njáý.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

MATIYE 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ *Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí *unjə̄ njáý njáý.

PĀ GƏ̄ 26:6

Kɔ́ɔ̄ɓē, m̄-tə́go jīḿ m-ɔ́jəń kadə̄ najə̄ gətóo dɔḿ tə́, yā kadə̄ m̄-njə̄rań kə gō gidə *loo tun̄ yá̰a̰ yāí

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

KƏLA RĀĀ 22:16

Ba ń toō ɓáa yá̰á̰ kə́ rang kə́ yā kadə̄ ī-ngóō i rí ɓáý? Ḭ́ḭ dɔɔ́ ādə̄ rāāniī *batém ō, ādə̄ tə́gon̄ yá̰á̰ kə́ majaĺ gə̄ ń ī-rāā ní kɔ̄ɔ́ ō, kə ta kūl̄ ɓāŕ kə́ ī-ɓārə́n kadə̄ rāā seí tə́.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā *Jəjep tə́ gə̄ ń teēn̄ ta yo tə́ ní.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

PĀ GƏ̄ 37:27

Ī-gōn̄g yá̰á̰ kə́ majaĺ ba ī-rāā yá̰á̰ kə́ majə, anī ā ə́nge loo yā ndiń ngándáńg.

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

PĀ GƏ̄ 51:2

I dan ń ni sāā Batəseba nə̄yá̰ Uri ō Natan *nge koō ta aw̄ rɔ̄n tə́ ō ní.

Gōsə̄ najə̄ gə̄ 4:27

Ī-tɔ̄ɔ̄ ko̰ó̰ aĺ ō, geleé aĺ ō. Ɔ̄r̄ njaí kɔ̄ɔ́ kum majaĺ tə́.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

JEREMI 18:11

Ngɔlaā ní ɔ̄r̄ najə̄ kə de kə́ *Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

JEREMI 35:15

m̄-to dan kəla ngé kəla yāḿ gə̄ ń i *ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JONAS 3:8

Majə kadə̄ de gə̄ malang o̰ō̰n̄ *kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.

JAKARI 7:7

Kɔ́ɔ̄ɓē əndā najə̄ gə̄ ń noō ta *ngé koō gə̄ tə́ adə̄ nin̄ gɔŕyɔ̄nəń de gə̄ kété kɔ̄ɔ́ ɓá. Dan ngeé ń noō tə́ ní, de kə́ Jerusalem gə̄ ō, kə́ kem ɓē gə̄ ń gīrə̄n̄ gidə ɓē kə́ Jerusalem ō tə́ ní, ndin̄ lɔm. Gō nang kə́ Negeb ō, gō nang kə́ mbal̄ bo gə̄ gətóon̄ tū tə́ ō ní, de gə̄ ndin̄ tū tə́.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

2 MBAN̄G 17:13

Kɔ́ɔ̄ɓē əndā najə̄ ta *ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań *Israel gə̄ ō, *Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō *ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i *ngé koō ta yāḿ gə̄ ní tə́ adə̄ ədan̄sí ní ō.