IJAI 1:1 - Bible sar

¹ Yá̰á̰ kə́ dɔ ɓē ko̰o̰ yā *Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

Bibəl ta Sar̄

¹ Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

IJAI 1:1 Referans Kwoze

2 YÁ̰A̰ GƏ̄ 26:1

*Juda gə̄ malang unən̄ Ojias ń ɓālə̄n i kutə gidə i mehḛ́ ní əndānən̄ mban̄g gotə bɔbə̄n Amasia tə́.

2 MBAN̄G 18:1

Kem ɓāl̄ ko̰o̰ ɓē kə́ nge ko̰ mətá yā Ose ngōn̄ Ela, mban̄g kə́ *Israel tə́ ní, Ejekias ngōn̄ Akaj mban̄g kə́ *Juda ndi mban̄g.

IJAI 7:1

Dan ngeé ń noō tə́ ní, i Akaj kə́ ngōn̄ Yotam kə́ ngōn̄ Ojias n ndi mban̄g dɔ nang kə́ *Juda tə́ ní. Anī Resin, mban̄g kə́ Aram ō, Peka kə́ ngōn̄ Remalia ń i mban̄g kə́ *Israel ō ní, reē ənīn̄ ɓē kə́ Jerusalem rɔ̄ɔ̄, banī nin̄ tetənən̄ rɔ̄ɔ̄ alé.

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem *kújə yā Kɔ́ɔ̄ɓē tə́ malang.

IJAI 2:1

Najə̄ kə́ dɔ ɓē ko̰o̰ yā *Juda tə́ ō, ɓē kə́ Jerusalem tə́ ō, ń Ijai kə́ ngōn̄ Amots ənge tū yá̰á̰ kə́ ni-a̰a̰ tə́ ní n toó.

PĀ GƏ̄ 89:19

Nge ń i der yājí ō mban̄g yājí ō ní, ndi i kə ta kūl̄ Kɔ́ɔ̄ɓēé ō, kə ta kūl̄ *kə́ *táĺ yā Israel ō.

AMOS 1:1

Makətūbə̄ yā Amos ɔjə i gotə najə̄ kɔr̄ Amos. Ni i nge ngɔ̄m̄ yá̰a̰ kul̄ gə̄. I de kə́ kem ɓē kə́ Tekoa tə́. Ɓāl̄ jōó kə̄ kété no tə́ pá tá kadə̄ dɔ nang ndebə ní, Kɔ́ɔ̄ɓē ɔjən yá̰á̰ kə́ kadə̄ əda dɔ ɓē ko̰o̰ kə́ *Israel tə́. I dan ń Ojias ndiń mban̄g *Juda tə́ ō, Jeroboam kə́ ngōn̄ Joas ndiń mban̄g *Israel tə́ ō ní.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń *ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ *Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ *Juda tə́ na: Nə́ɓā yāsí n toó!

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

IJAI 13:1

Najə̄ kə́ dɔ *Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

2 MBAN̄G 15:32

Kem ɓāl̄ ko̰o̰ ɓē kə́ nge ko̰o̰ jōó yā Peka ngōn̄ Remalia, mban̄g kə́ *Israel tə́ ní, Yotam ngōn̄ Ojias mban̄g kə́ *Juda ndi mban̄g.

2 MBAN̄G 15:7

Ajaria oy aw̄ gō kaan gə̄ tə́. Dubə̄nən̄ i kem bāá ɓádə yā kaan gə̄ tə́, kem ɓē yā Dabid tə́. I ngōnən Yotam n o̰o̰ ɓē gotən tə́ ní.

2 MBAN̄G 15:1

Kem ɓāl̄ ko̰o̰ ɓē kə́ nge ko̰ kutə jōó gidə i sīrí yā Jeroboam mban̄g kə́ *Israel tə́ ní, Ajaria ngōn̄ Amasia, mban̄g kə́ *Juda, ndi mban̄g.

KƏLA RĀĀ 26:19

Adə̄ mban̄g Agəripa, m̄-mbātə́ najə̄ ta yá̰á̰ kə́ dɔ rā̰ tə́ ń m-á̰a̰ā̰ ní tə́ alé.

KƏLA RĀĀ 10:17

Dan ń Piyer ndi a sāā kum yá̰á̰ ń ndɔ̄bən ní yā ger̄ anī, de gə̄ ń Kɔrney əladə́ ní dəjen̄ ɓē yā Simo̰ ba reē ran̄ ta róbə́ tə́.

MATIYE 17:9

Dan ń a risən̄ dɔ mbalá kə̄ nang tə́ anī, Jeju ədadə́ na yá̰á̰ ń a̰a̰n̄ ní kə lōōn̄ kəda deē kógə̄ḿ gotə, bátə́ kadə̄ ré Ngōn̄ Deē oy ba ndól̄ pá tá.

HABAKUK 2:2

Anī Kɔ́ɔ̄ɓē tūr̄ ədam̄ na: Yá̰á̰ ń m-ɔ́jiī adə̄ ī-ger̄ ní, ī-ndang. Ī-ndang dɔ bar ndang yá̰a̰ gə̄ tə́ adə̄ kumən unjə̄, tām̄ kadə̄ tə́dan tōr̄ rɔ̄ deē alé.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum *nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

MISE 1:1

Kɔ́ɔ̄ɓē ɔr̄ najə̄ kə Mise ń i de kə́ kem ɓē kə́ Moreset tə́ ní. I dan ń Yotam ō, Akaj ō, gō tə́ anī i Ejekias ō, ndinə̄ń mban̄g dɔ nang kə́ *Juda tə́ ní. Yá̰á̰ kə́ sɔɔ̄ dɔ ɓē gə̄ kə́ Samari ō, Jerusalem ō, ń Kɔ́ɔ̄ɓē ɔjən adə̄ ger̄ kə ta kūl̄ yá̰á̰ kógə̄ḿ ń ni a̰ā̰ ní n toó.

OJEE 1:1

Najə̄ ń Kɔ́ɔ̄ɓē əda Ojee kə́ ngōn̄ Beri, dan ń Jeroboam kə́ ngōn̄ Joas i mban̄g kə́ *Israel tə́ ní n toó. Dan ngeé ń noō tə́ ní, Ojias ō, Yotam ō, Akaj ō, Ejekias ō, nin̄ i mban̄g gə̄ kə́ *Juda.

TƏ́DA 24:4

mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ *Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

2 KORḚNTƏ 12:1

I beé ní, i gáŕ kadə̄ m-ɔ́r ta rɔ̄ḿ, ká nge ń noō i yá̰á̰ kə́ majaĺ gə̄gē ní. Ba ń toō ɓáa m-ā m-ɔ̄r̄ i najə̄ yā yá̰a̰ gə̄ ń Kɔ́ɔ̄ɓē ɔjəm̄ adə̄ m-á̰a̰ā̰ ō, yá̰a̰ gə̄ ń ni-tḛḛ̄ kumḿ dɔ tə́ ō ní.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ *nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

2 MBAN̄G 15:13

Salum ngōn̄ Yabes ndi mban̄g dɔ *Israel gə̄ tə́ i kem ɓāl̄ ko̰o̰ ɓē kə́ nge ko̰ kutə mətá gidə i ndōhó yā Ojias mban̄g kə́ *Juda tə́. Ni-o̰o̰ ɓē nāā kógə̄ḿ kem ɓē kə́ Samari tə́.

2 MBAN̄G 19:2

Gō tə́ anī əla Eliakim de kə́ dɔ yá̰a̰ kənge yā mban̄g tə́ ō, Sebəna nge ndang makətūbə̄ ō, *ngé tun̄ yá̰á̰ kə́ ngé rāā kəla tun̄ yá̰á̰ kété joó gə̄ ō, rɔ̄ Ijai *nge koō ta yā Nə́ɓā ń i ngōn̄ Amots ní tə́. Nin̄ malang o̰ō̰n̄ *kūbə̄ sákə̄ tə́ rɔ̄də́ tə́ n aw̄n̄ ní,

2 YÁ̰A̰ GƏ̄ 26:22

Gotə yá̰á̰ kə́ rang gə̄ ń Ojias rāā ní, ngé kə́ ta kəla gír tə́ gə̄ ō, ta tɔ̄l̄ ta tə́ gə̄ ō ní i Ijai *nge koō ta kə́ ngōn̄ Amots n ndang makətūbūú ní.

2 YÁ̰A̰ GƏ̄ 27:1

Dan ń Yotam ndi mban̄g ní ɓālə̄n i kutə jōó gidə i mí. Ni o̰o̰ ɓē Jerusalem ɓāl̄ kutə gidə i mehḛ́. Rī kó̰o̰n na i Yerusa, i ngōn̄ Sadok.

2 YÁ̰A̰ GƏ̄ 28:1

Dan ń əndān̄ Akaj mban̄g ní ɓālə̄n i kutə jōó. Ni o̰o̰ ɓē ɓāl̄ kutə gidə i mehḛ́ kem ɓē kə́ Jerusalem tə́. Ni-rāā yá̰á̰ kə́ súmūú ta kum Kɔ́ɔ̄ɓē tə́ tītə̄ yā kaan Dabid alé,

2 YÁ̰A̰ GƏ̄ 29:33

*yá̰a̰ tun̄ kə́ rang gə̄ ń ndējə̄n̄ Kɔ́ɔ̄ɓē ní man̄g gə̄ i ɓú mehḛ́ ō, batə̄ gə̄ kə bə̄yā̰ gə̄ i dūbú mətá ō.

IJAI 20:2

Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

IJAI 37:2

Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, *ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai *nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

IJAI 38:1

Dan ngeé ń noō tə́ ní, mo̰y kógə̄ḿ kə́ a rāā deē anī a oy i mbée əhɔ Ejekias. Ijai *nge koō ta kə́ ngōn̄ Amots reē go̰ō̰n tə́ ba əda najə̄ ń Kɔ́ɔ̄ɓē əndā tan tə́ ní na: Ī-kán̄ yá̰a̰ yāí gə̄ ī-tə́ndādə́ kə gōó. Tām̄ ā óy, gír ndi kə kumuú yāí gān̄g.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ *nge tun̄ yá̰a̰, m̄-ra i dan *Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā *Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

AMOS 4:5

Ī-róōī mápá kə́ *kaa mápa i tū tə́ dɔ *loo tun̄ yá̰á̰ tə́, kadə̄ i *yá̰a̰ tun̄ yāsí kə́ yā ɓōkə́nń tɔ̄ȳ. *Israel gə̄, *yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.