GALATƏ 4:8 - Bible sar

⁸ Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.

Bibəl ta Sar̄

⁸ Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.

GALATƏ 4:8 Referans Kwoze

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

1 TESALONIK 4:5

kanjə̄ kəya̰ ɓō yá̰á̰ kə́ kemən tə́ kadə̄ un dɔn tītə̄ ń de kə́ ndágá gə̄ a rāān̄neé ní.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

1 KORḚNTƏ 1:21

Tɔdɔ̄ loo ń kum kedə̄ yā Nə́ɓā ɔjə rɔ̄n kə̄ ndágá tū tə́ ní, de kə́ dɔ nang tə́ laā gə̄ a̰a̰n̄ Nə́ɓā tū tə́ gerə̄n̄ kə ta kūl̄ kum kedə̄ yādə́ alé. I tām̄ najə̄ ń noō tə́ n Nə́ɓā gḛyń kajə ngé taā kem gə̄ kə ta kūl̄ najə̄ kə́ to mbóó ń j-ɔjə ní.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

2 YÁ̰A̰ GƏ̄ 13:9

Ngé tun̄ yá̰a̰ yā Kɔ́ɔ̄ɓē gə̄ ń i ngán *Aaro̰ gə̄ ní ō, *ngán Lebi gə̄ ō ní, sḭḭ̄ ī-tə̄ɓāīdə́ kɔ̄ɔ́ ba ī-gə̄rāī de gə̄ ə̄ndāīdə́ *ngé tun̄ yá̰a̰ yāsí gə̄ tə́ tītə̄ ń gír de gə̄ kə́ kem ɓē kə́ rang gə̄ tə́ a rāān̄neé ní. Deē ń reē kə man̄g kə́ bəra kógə̄ḿ ō, bal batə̄ gə̄ sīrí ō, ɓá anī sḭḭ̄ ə̄ndāniī nge tun̄ yá̰á̰ tə́ kadə̄ rāā kəla adə̄ nə́ɓā kə́ nin̄ i Nə́ɓā aĺ gə̄.

EPEJƏ 4:18

Gír̄ yādə́ i gír̄ kə́ kum til tə́. Ndi kə kumuú ń Nə́ɓā adə̄ ní, nin̄ i tū tə́ alé, sɔɔ̄ń ger̄ yá̰a̰ aĺ kə́ ngarān̄g kemdə́ tə́ ō, kem ngan̄g yādə́ ō.

1 KORḚNTƏ 12:2

Ī-gerī kadə̄ dan ń sḭḭ̄ ī-taāī kem Nə́ɓā aĺ ɓáý ní, sḭḭ̄ āwī gō ɓesə̄ gə̄ ń nin̄ a ɔrə̄n̄ najə̄ aĺ tə́ ní, tītə̄ kə́ i yá̰á̰ kógə̄ḿ n ɔsə sesí kadə̄ āwī gōdə́ tə́ beē.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā *Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

JOJUE 24:2

ba ni-əda de gə̄ malang na: Yá̰á̰ ń Kɔ́ɔ̄ɓē Nə́ɓā yā Israel əda ní n toó: Kété ní, kaasí gə̄ ndin̄ i gidə bā Opəratə tə́ ba a rāān̄ i ɓesə̄ gə̄ bátə́ ugə̄ń ɓāl̄ yā Tera kə́ bɔbə̄ Abəraham nin̄ kə Nahor tə́.

Teē Ngán Israel gə̄ 5:2

*Parao̰ tél ədadə́ na ké Kɔ́ɔ̄ɓē i náā á kadə̄ n-oō tan ba kə n-əya̰ń ngán *Israel gə̄ kadə̄ aw̄n̄ wa. Na n-ger̄ Kɔ́ɔ̄ɓē aĺ ō, n-ndigə kəya̰ ngán Israel gə̄ kadə̄ aw̄n̄ aĺ ō.

1 JA̰A̰ 3:1

Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

KƏLA RĀĀ 17:23

Tɔdɔ̄ dan ń m̄-njə̄rā kem ɓē yāsí tə́ ō, m-ə̄ndā ma̰ȳ yá̰a̰ gə̄ ń ā ī-ndɔ̄yīdə́ gə̄ ní ō anī, m-āw̄ bátə́ m-ə́nge *loo tun̄ yá̰á̰ kógə̄ḿ kə́ ndangən̄ najə̄ ń toō dɔ tə́ na: I tām̄ yā nə́ɓā kə́ jə-gerə̄n aĺ tə́. Majə! Yá̰á̰ ń sḭḭ̄ ā ī-ndɔ̄yī kanjə̄ gerə̄n ní, i yá̰á̰ ń toō bang n mā m̄-reē kɔjə̄sí tə́ kadə̄ ī-gerī ní.

KƏLA RĀĀ 14:12

Nin̄-ɓārə́n̄ Barnabas na i Jewus, ba ɓārə́n̄ Pol na i Hermes, tɔdɔ̄ i ni n i nge kɔr̄ najə̄ kə rī madə̄neé ní.

JA̰A̰ 1:10

Ni i dɔ nang tə́ kété ō, de kə́ dɔ nang tə́ gə̄ ndin̄ i kə kūl̄neé ō, banī de kə́ dɔ nang tə́ gə̄ ger̄nən̄ alé.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

Makətūbə̄ ń Pol ndang adə̄ Rom gə̄ ní 1:23

Kadə̄ ndɔ̄ȳn̄ Nə́ɓā ń i de kə́ bo kə́ ta ngóyn gətóó ní a, nin̄-ndɔ̄ȳn̄ ndíĺ yá̰á̰ kə́ tɔ́sə̄ kum gotə de gə̄ ō, yel̄ gə̄ ō, dā̰ gə̄ ō, kur̄ kə́ kagə nang tə́ gə̄ ō ń i yá̰á̰ kə́ a ndumən̄ karī gə̄ ní.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

JEREMI 16:20

Deē ndul gə̄ ń i nə́ɓā gə̄ aĺ ní asən̄ rāā nə́ɓā gə̄ tām̄ yādə́ nin̄ kɔ́ gə̄ tə́ a?

GALATƏ 4:3

I tītə̄ ń toō tām̄ yājí tə́ ō. Tām̄ dan ń jḭḭ̄ i ngán gə̄ ɓáý ní, tɔ́gə́ kə́ dɔ nang tə́ gə̄ o̰o̰n̄ ɓē dɔjí tə́.