GALATƏ 3:2 - Bible sar

² I najə̄ kə́ kal kógə̄ḿ beē ń toō n m̄-gḛy kadə̄ ī-tūr̄mī tə́ ní. Najə̄ ní n toō: Əngeī Ndíĺ Nə́ɓā i tām̄ rāā kə́ ī-rāāī yá̰á̰ kə́ *ndū najə̄ əda kadə̄ yā rāā tə́, aké i tām̄ koō kə́ ōōī Najə̄ kə́ Majə ba ī-taāī kem tə́ ḿ?

Bibəl ta Sar̄

² I najə̄ kə́ kal kógə̄ḿ beē ń toō n m̄-gḛy kadə̄ ī-tūr̄mī tə́ ní. Najə̄ ní n toō: Əngeī Ndíĺ Nə́ɓā i tām̄ rāā kə́ ī-rāāī yá̰á̰ kə́ ndū najə̄ əda kadə̄ yā rāā tə́, aké i tām̄ koō kə́ ōōī Najə̄ kə́ Majə ba ī-taāī kem tə́ ḿ?

GALATƏ 3:2 Referans Kwoze

GALATƏ 3:14

Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

KƏLA RĀĀ 15:8

Ba Nə́ɓā ń i nge ger̄ kem de gə̄ ní ɔjə kə̄ ndágá kadə̄ əhɔdə́ kə̄ rɔ̄n tə́ i kə ta kūl̄ kadə̄də́ *Ndíĺ kə́ Táĺ tītə̄ ń ni-adə̄ńjí ní ō.

GALATƏ 3:5

Nge ń adə̄sí Ndíl ō, rāā yá̰a̰ kə́ yáā gə̄ dɔ dáńsí tə́ ō ní, rāā i tām̄ rāā kə́ sḭḭ̄ ī-rāāī yá̰á̰ gə̄ kə́ *ndū najə̄ əda kadə̄ yā rāā gə̄ tə́, aké i tām̄ koō kə́ ōōī Najə̄ kə́ Majə ō ī-taāī kem ō ḿ?

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā *Ndíĺ kə́ Táĺ ń ni-nə̄bō kə gō kem ndigə yānneé ní ō.

KƏLA RĀĀ 8:15

Nin̄-ugə̄n̄ anī, ndɔ̄ȳn̄ Nə́ɓā tām̄ yādə́ tə́ kadə̄ əngen̄ *Ndíĺ kə́ Táĺ.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí *batém kógə̄ḿ kógə̄ḿ kə rī Jeju *Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī *Ndíĺ kə́ Táĺ ń Nə́ɓā adə̄ de gə̄ karī ní.

HEBƏRO 6:4

Najə̄ yā ngé gə̄ ń tél a rāān̄ háĺ kə́ majaĺ gogə́ ní. Nə́ɓā rāā adə̄ loo unjə̄ kow dɔdə́ tə́ nja kógə̄ḿ. Nin̄-nāān̄ nel̄ kadə̄ karī kə́ dɔ rā̰ tə́ ō, əngen̄ *Ndíĺ kə́ Táĺ ō.

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

1 PIYER 1:12

Najə̄ ń Nə́ɓā əndā ta *ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā *Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. *De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

2 KORḚNTƏ 11:4

Tɔdɔ̄ ré deē kógə̄ḿ reē ɔjəsí najə̄ yā Jeju kə́ rang ba i yā nge ń j-ɔjəsí najə̄ yān kété ní alé, aláa ə́hɔī ndíĺ kə́ rang kə̄ rɔ̄sí tə́ ba i nge ń ə́ngein̄ kété ní alé, aláa ī-taāī kem Najə̄ kə́ Majə kə́ rang ba i nge ń ī-taāī kem kété ní aĺ anī, sḭḭ̄ ī-tə́gāī tasí dɔ tə́ majə ngá̰ý.

1 KORḚNTƏ 9:21

Ré mā i dan de kə́ kanjə̄ *ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i *Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

GALATƏ 3:3

Kur̄ dɔsí gətóo asə naā beé a? Sḭḭ̄ ń ə́laī gír i kə Ndílí ní, ngɔlaā ī-gḛyiī tɔ̄l̄ ta i kə tɔ́gə́sí tā a?

HEBƏRO 4:2

Tɔdɔ̄ jḭḭ̄ j-oōī Najə̄ kə́ Majə tītə̄ yā ngé kə́ kem dəla loo tə́ gə̄. Nin̄-oōn̄ najə̄, ba najə̄ ń oōn̄ ní rāā yá̰á̰ kógə̄ḿ tām̄ yādə́ tə́ alé. Tɔdɔ̄ dan ń nin̄-oōn̄ ní, taān̄ kem alé.