GALATƏ 1:9 - Bible sar

⁹ J-ədasí kété kɔ̄ɔ́ ɓá, ba m̄-téĺ m-ə́dásí ɓōólaā ɓáý to̰. Ré deē kógə̄ḿ ɔjəsí Najə̄ kə́ Majə kə́ to tītə̄ nge ń ī-taāī kem ɓá ní aĺ anī, kadə̄ ndɔ̄ĺ i dɔ kɔ́ɔ̄ tə́.

Bibəl ta Sar̄

⁹ J-ədasí kété kɔ̄ɔ́ ɓá, ba m̄-téĺ m-ə́dásí ɓōólaā ɓáý to̰. Ré deē kógə̄ḿ ɔjəsí Najə̄ kə́ Majə kə́ to tītə̄ nge ń ī-taāī kem ɓá ní aĺ anī, kadə̄ ndɔ̄ĺ i dɔ kɔ́ɔ̄ tə́.

GALATƏ 1:9 Referans Kwoze

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Gōsə̄ najə̄ gə̄ 30:6

Ə̄nī najə̄ kógə̄ḿ ta najə̄ yān gə̄ tə́ alé, na sōgə́ ni ndángī ō, əhɔī kə najá adə̄ ī-ger̄ kadə̄ ḭ̄ i nge sor̄ ō.

NDŪ NAJƏ̄ 4:2

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.

2 KORḚNTƏ 1:17

Dan ń m̄-gḛy rāā beé ní, m-ɔ́jə i kə̄ ndágá kadə̄ mā i de kə́ m̄-hɔɔ́lɔ̄ ngá̰ý a? Aké yá̰a̰ gə̄ ń m-ɔ́jə rāādə́ ní, i kə gō gír̄ yā deē nduluú, adə̄ a̰á̰ā̰ ō, hó̰ō̰ ō i kemḿ tə́ jōó mbak a?

PILIPƏ 3:1

Ba ngɔlaā ní ngákó̰ó̰ḿ gə̄, ī-rāāī rɔ̄nel̄ najə̄ ɓoo ń ī-ɓooī naā kə Kɔ́ɔ̄ɓēé ní tə́. M-ɔ́r loo ndang yá̰á̰ kə́ kógə̄ḿ beē tə́ yā kadə̄sí kə̄ nja naā tə́ alé. Tām̄ yāsí tə́ ɓáa i nge ń noō n kadə̄ ī-raī dɔ tə́ ngan̄g ní.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń *ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

KƏLA RĀĀ 18:23

Ni-ndi noó sḛ́ý, ba gō tə́ anī tél dɔ tə́ aw̄ gogə́. Ni-njə̄rā kə gō ɓē gə̄ kə́ dɔ nang kə́ Galasi tə́ ō, kə́ Pəriji tə́ ō. Ni mbūsə̄ ngé ndóō yá̰a̰ gə̄ malang kə najá adə̄ ran̄ ngan̄g dɔ taā kem yādə́ tə́.

Makətūbə̄ ń Pol ndang adə̄ Rom gə̄ ní 9:3

m̄-ndə̄ngā kadə̄ Nə́ɓā kōnjə̄m̄ ō, ɔrə̄m̄ kɔ̄ɔ́ kadə Kərist tə́ ō, yā kajəń ngákó̰ó̰ḿ kə́ gír kojə yāḿ tə́ gə̄.