GALATƏ 1:8 - Bible sar

⁸ Ní, ré i jḭḭ kɔ́ gə̄ gə̄gē, aké i *de kə́ dɔ rā̰ tə́ kógə̄ḿ gə̄gē n ɔjəsí Najə̄ kə́ Majə kə́ to tayā gō ni ń j-ɔjəsí kété tə́ ní anī, kadə̄ ndɔ̄ĺ i dɔn tə́.

Bibəl ta Sar̄

⁸ Ní, ré i jḭḭ kɔ́ gə̄ gə̄gē, aké i de kə́ dɔ rā̰ tə́ kógə̄ḿ gə̄gē n ɔjəsí Najə̄ kə́ Majə kə́ to tayā gō ni ń j-ɔjəsí kété tə́ ní anī, kadə̄ ndɔ̄ĺ i dɔn tə́.

GALATƏ 1:8 Referans Kwoze

GALATƏ 1:9

J-ədasí kété kɔ̄ɔ́ ɓá, ba m̄-téĺ m-ə́dásí ɓōólaā ɓáý to̰. Ré deē kógə̄ḿ ɔjəsí Najə̄ kə́ Majə kə́ to tītə̄ nge ń ī-taāī kem ɓá ní aĺ anī, kadə̄ ndɔ̄ĺ i dɔ kɔ́ɔ̄ tə́.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju *Kərist aĺ anī, ādə̄ ndɔ̄ĺ i dɔn tə́. Marana ta.

Makətūbə̄ ń Pol ndang adə̄ Rom gə̄ ní 9:3

m̄-ndə̄ngā kadə̄ Nə́ɓā kōnjə̄m̄ ō, ɔrə̄m̄ kɔ̄ɔ́ kadə Kərist tə́ ō, yā kajəń ngákó̰ó̰ḿ kə́ gír kojə yāḿ tə́ gə̄.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā *diabəl tə́ ō, deē yān gə̄ kə́ dɔ rā̰ tə́ ō ní tə́.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

KƏLA RĀĀ 23:14

Nin̄-aw̄ əngen̄ ngol *ngé tun̄ yá̰a̰ gə̄ ō, *kum kɔɔ̄ gə̄ ō, ba ədan̄də́ na n-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré kə n-tɔ̄lə̄n̄ Pol pá tá.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

GALATƏ 3:13

Dan ń *Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā *ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

1 KORḚNTƏ 12:3

I tām̄ najə̄ ń noō tə́ n m-ə́dásí najə̄ ń toō kadə̄ ī-gerī ní: De kə́ ɔr̄ najə̄ kə ta kūl̄ Ndíl yā Nə́ɓāá kə́ əda na Jeju na i de kə́ ndɔ̄ĺnən̄ kɔ̄ɔ́ ní gətóo ō, de kə́ asə kəda na Jeju i Kɔ́ɔ̄ɓē kanjə̄ kadə̄ i *Ndíĺ kə́ Táĺ n əndā tan tə́ ní gətóo ō.

MARK 14:71

Anī Piyer əla gíŕ tə́da najə̄ kə́ ngan̄g ngan̄g gə̄ túbəń kə rɔ̄neé ba əda na n-ger̄ deē ń ɔrə̄n̄ najə̄ yān noó alé.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń *ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə *yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

JOJUE 9:23

Ngɔlaā ní ndɔ̄ĺ i dɔsí tə́ ō, sḭḭ̄ malang i ɓer̄ gə̄ kə́ gír a gān̄g dɔsí tə́ aĺ ō, ā ī-nárī kīr̄ ō, ā ūyī man̄ ō, tām̄ yā kújə yā Nə́ɓā yāḿ tə́.

TA KƏLA 9:25

əda na: Ndɔ̄ĺ i dɔ Kanaan tə́! Ādə̄ ni i ɓəlo yā ɓəlo yā ngákó̰o̰n gə̄!

1 MBAN̄G GƏ̄ 13:18

Banī *nge koō ta kə́ tɔgə ní əda na: Mā i *nge koō ta madí, adə̄ *de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń *ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.