ESDRAS 7:10 - Bible sar

¹⁰ Tām̄ Esdras əndā rɔ̄n ta ndóō *ndū najə̄ yā Kɔ́ɔ̄ɓē tə́ ō, yá̰á̰ ń ndū najə̄ əda ní ni-əndā rɔ̄n ta tə́ rāā ō, tá yá̰a̰ gə̄ ń ndū najə̄ əndā dɔ de gə̄ tə́ kadə̄ rāān̄ ní ō, jī bēl̄ loo rāā yá̰a̰ gə̄ ń ndū najə̄ ɔjə ō ní, ni-əndā rɔ̄n ta tə́ ndóō ngán *Israel gə̄ ō.

Bibəl ta Sar̄

¹⁰ Tām̄ Esdras əndā rɔ̄n ta ndóō ndū najə̄ yā Kɔ́ɔ̄ɓē tə́ ō, yá̰á̰ ń ndū najə̄ əda ní ni-əndā rɔ̄n ta tə́ rāā ō, tá yá̰a̰ gə̄ ń ndū najə̄ əndā dɔ de gə̄ tə́ kadə̄ rāān̄ ní ō, jī bēl̄ loo rāā yá̰a̰ gə̄ ń ndū najə̄ ɔjə ō ní, ni-əndā rɔ̄n ta tə́ ndóō ngán Israel gə̄ ō.

ESDRAS 7:10 Referans Kwoze

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

MATIYE 7:24

Adə̄ deē malang ń oō najə̄ ń m-ə́dásí toō ō, rāā yá̰a̰ gə̄ ń m-ə́dá ní ō anī, a to i tītə̄ de kə́ nge kum kedə̄ kə́ rāā kújə yān dɔ mbal̄ tə́.

MALASI 2:7

A̰á̰ā̰, kəla yā *nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i *nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń *ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

ESDRAS 7:25

Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ *ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

NDŪ NAJƏ̄ 33:10

I nin̄ n i ngé ndóō ngán *Israel gə̄ jī-bēl̄ loo rāā yá̰a̰ yāí gə̄ ō, ndū najə̄ yāí ō ní. I nin̄ n i ngé ndējī *yá̰a̰ tun̄ gə̄ ń sadə́ udə kó̰ní tə́ ní ō, ngé róō dā̰ horoó dɔ *loo tun̄ yá̰a̰ yāí tə́ ní ō.

1 YÁ̰A̰ GƏ̄ 29:18

Kɔ́ɔ̄ɓē, Nə́ɓā yā kaají Abəraham ō, kaají Isaak ō, kaají *Israel ō, ī-rāā ādə̄ ndíl deē yāí gə̄ ndigə yá̰á̰ kə́ beē ngándáńg ō, ī-tūr̄ kemdə́ kə ngangá kum kə̄ rɔ̄í tə́ ō.

PĀ GƏ̄ 10:17

Kɔ́ɔ̄ɓē, ngé tél kə rɔ̄də́ kə̄ nang tə́ gə̄ ní, ḭ̄ ādə̄də́ yá̰á̰ ń ɓōn i kemdə́ tə́ ní. Ī-rāā ādə̄ kemdə́ tetə kə̄ nang tə́ ō, ī-nēl̄ mbīí ōoń ɓār̄ yādə́ ō,

ESDRAS 7:6

ḭḭ *Babilon reē ugə̄. Ni i nge ndang makətūbə̄ kə́ ger̄ ndóō de gə̄ *ndū najə̄ ń Kɔ́ɔ̄ɓē Nə́ɓā yā *Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

TITƏ 2:1

Ba ḭ̄, yāí i kadə̄ ī-ndóō de gə̄ yá̰á̰ kə́ əhɔn̄ naā kə yá̰á̰ ndóō kə́ gō tə́.

PĀ GƏ̄ 119:45

M-ā m-ə̄nī kemḿ yā njə̄rań tɔdɔ̄ m̄-sāā gō yá̰a̰ gə̄ ń ī-ra kə de gēé ta rāā ní.

PĀ GƏ̄ 57:7

Nin̄ əyān̄ gūmbə̄ róbə́ḿ tə́. Na̰y i sḛ́ý kadə̄ əhɔm̄. Nin̄ ndērə̄n̄ bəlo mbḛ̄ noḿ tə́, banī i nin̄ kɔ́ gə̄ n əsōn̄ kemeé ní.

2 YÁ̰A̰ GƏ̄ 30:22

*Ngán Lebi gə̄ malang ń gerə̄n̄ yá̰a̰ yā Kɔ́ɔ̄ɓē majə ní, Ejekias ɔr̄ najə̄ sedə́ adə̄ńdə́ tɔ́gə. De gə̄ rāān̄ nāā ndɔ̄ sīrí, ndējə̄n̄ *yá̰a̰ tun̄ gə̄ kə́ tām̄ yā kem kógə̄ḿ tə́ ō, ndadə̄ adə̄n̄ Kɔ́ɔ̄ɓē Nə́ɓā yā kaadə́ gə̄ ō.

2 YÁ̰A̰ GƏ̄ 19:3

Ɓá tā ba yá̰á̰ kə́ majə to kemií tə́ ɓáý, tɔdɔ̄ ḭ̄ ī-róō kāgə̄ ɓesə̄ *Asera gə̄ adə̄ gətóon̄ kem ɓē yāí tə́ ō, ḭ̄ ōō ta Nə́ɓā kə ngarā̰ kemií mámák adə̄ ī-rāā yá̰á̰ ń kemən ndigə ní ō.

2 YÁ̰A̰ GƏ̄ 12:14

Roboam rāā yá̰a̰ kə majə alé, tɔdɔ̄ əndā rɔ̄n ta sāā Kɔ́ɔ̄ɓē tə́ kə ngarā̰ kemənneé mámák alé.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

KƏLA RĀĀ 1:1

Kó tár yāḿ Teopil, kem makətūbə̄ yāḿ kə́ kété tə́ ní, m̄-ndang i yá̰a̰ gə̄ ń Jeju rāā ní ō, yá̰a̰ gə̄ ń ni ndóō de gə̄ ní ō. M-ə́lá gír i dɔ ngé kə́ ta kəga dɔ gə̄ tə́,

NDŪ NAJƏ̄ 16:12

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́. Adə̄ ə̄ndā kumií gíŕ yá̰a̰ malang ń *ndū najə̄ gə̄ ń toō ədan̄ ní tə́ ī-rāā.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

MATIYE 5:19

Adə̄ deē ń a mbātə́ gō míndə́ kógə̄ḿ kə́ dūú ngá̰ý ō, a ndóō de gə̄ kadə̄ mbātə́n̄ ō ní, a rāānən̄ i de kə́ dūú ngá̰ý kə́ kem *Ɓē ko̰o̰ kə́ dɔ rā̰ tə́ tə́. Banī deē ń rāā yá̰á̰ ń ndū najə̄ əda ní ō, a ndóō madə̄n gə̄ kadə̄ rāān̄ tītə̄ ń noō ō ní, a rāānən̄ de kə́ bo tə́ kem *Ɓē ko̰o̰ kə́ dɔ rā̰ tə́.

Makətūbə̄ yā Job 11:13

Dan ń ngəra ger̄ kum yá̰a̰ yāí əhɔ nang majə ō, dan ń ā ī-sə́ra jīí kum kə̄ rɔ̄ Nə́ɓā tə́ yā ndɔ̄ynneé ō ní,

ESDRAS 7:11

Najə̄ ń mban̄g Artajerses ndang adə̄ Esdras nge tun̄ yá̰á̰ kə́ ngé ndóō de gə̄ *ndū najə̄ ō, kə́ nge ndang yá̰a̰ gə̄ ń Kɔ́ɔ̄ɓē əda kadə̄ yā rāā ní ō, kə́ nge ndang ndū najə̄ gə̄ yā Kɔ́ɔ̄ɓē kə́ tām̄ yā Israel tə́ ō ní, n toó:

PĀ GƏ̄ 119:112

Yá̰a̰ gə̄ ń ī-ndang kadə̄ yā rāā ní m-ə̄ndā kumḿ gírí m̄-rāā, i yá̰a̰ kəndā nja yāḿ kə́ kə́ njɔ́ḿ gə̄ tə́ gə̄ tə́.