ESDRAS 6:5 - Bible sar

⁵ Tá gájə́ yá̰a̰ rāā kəla gə̄ kə́ kem *kújə yā Nə́ɓā tə́ kə́ rāā kə lɔ́r ō kə gində̄ arjā̰a̰ ō ń Nabukodonosor ɔy kem *kújə yā Kɔ́ɔ̄ɓē tə́ Jerusalem aw̄ń *Babilon ní, i yā tél kaw̄ń gogə́ kem kújə yā Kɔ́ɔ̄ɓē tə́ Jerusalem, kadə̄ tél tə́ndān̄də́ kógə̄ḿ kógə̄ḿ loo ndidə́ gə̄ tə́.

Bibəl ta Sar̄

⁵ Tá gájə́ yá̰a̰ rāā kəla gə̄ kə́ kem kújə yā Nə́ɓā tə́ kə́ rāā kə lɔ́r ō kə gində̄ arjā̰a̰ ō ń Nabukodonosor ɔy kem kújə yā Kɔ́ɔ̄ɓē tə́ Jerusalem aw̄ń Babilon ní, i yā tél kaw̄ń gogə́ kem kújə yā Kɔ́ɔ̄ɓē tə́ Jerusalem, kadə̄ tél tə́ndān̄də́ kógə̄ḿ kógə̄ḿ loo ndidə́ gə̄ tə́.

ESDRAS 6:5 Referans Kwoze

DANIEL 5:2

Kasə ní rāān adə̄ əda kadə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ ō ń bɔbə̄n Nabukodonosor ɔy kem kújə yā Kɔ́ɔ̄ɓē tə́ *Jerusalem reēń ní. Ni sāā i yā ka̰ȳń kasə kə de kə́ bo yān gēé ō, kə də̄yá̰ gidə ndogə̄ yān gēé ō, kə dəyá̰ kə́ ngé rāā kəla yān gēé ō.

ESDRAS 5:14

Gájə́ yá̰a̰ rāā kəla gə̄ kə́ kem *kújə yā Kɔ́ɔ̄ɓē tə́ Jerusalem ń rāān̄ kə lɔ́r ō, kə arjā̰a̰ ō, á mban̄g Nabukodonosor ɔy aw̄ tə́ndā kem kújə ɓesə̄ tə́ *Babilon ní, mban̄g Sirus na ɔy kem kújə ɓesə̄ kə́ Babilon tə́ ba na adə̄ deē ń rī n na i Sesəbasar ní. Sesəbasar ngé ń toō na i Sirus n na əndān dɔ ɓē tə́ kadə̄ o̰o̰ ní.

JEREMI 27:16

M-ɔ̄r̄ najə̄ kə *ngé tun̄ yá̰a̰ gēé ō, kə gír de gə̄ ń toō malang ō, m-ə́da na: Najə̄ ń Kɔ́ɔ̄ɓē əda ní n toó: Ī-lōōī koō najə̄ yā *ngé koō ta gə̄ ń ədan̄sí na a tél yā reēn̄ kə yá̰a̰ rāā kəla gə̄ kə́ kem *kújə yā Kɔ́ɔ̄ɓē tə́ ń aw̄n̄neé Babilon tə́ ní gogə́, ngɔr ń toō tə́ kanjə̄ kɔr bā̰ā̰ ní. Najə̄ ń nin̄ ədan̄sí noō i najə̄ kə́ rɔ̄kum alé.

JEREMI 52:19

Ngol ngé ngɔ̄m̄ dɔ mban̄g ní ɔy bay gə̄ ō, ganán gə̄ ō, səmbē gə̄ kə́ yā tə́teń yá̰a̰ ō, jóó nánjə̄ gə̄ ō, ɗəra hor gə̄ ō, kópə gə̄ ō, ngán bay kə́ dūú gə̄ ō, yá̰a̰ malang kə́ rāā kə lɔ́rɔ́ ō, kə gində̄ arjā̰a̰á̰ ō aw̄ń.

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem *kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, *Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem *kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā *kújə yā Kɔ́ɔ̄ɓē tə́ ní kɔ̄ɔ́ malang.

DANIEL 1:2

Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem *kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.