ESDRAS 4:2 - Bible sar

² reē əngen̄ Jorobabel ō, de kə́ dɔ gír kojə gə̄ tə́ ō, ba ədan̄də́ na: Jə-ndigə rāā kəla *kújə yā Kɔ́ɔ̄ɓē sesí. Tā m̄ i Nə́ɓā yāsí ń ā ī-rɔȳniī ní n jḭḭ jə-rɔȳn ō ní. Tá j-əla gír ndējə̄n yá̰á̰ kə́ tun̄ gə̄ i dan ń Asaradon mban̄g kə́ Asiri ɔyjí reēń sejí loo ń toō tə́ laā ní.

Bibəl ta Sar̄

² reē əngen̄ Jorobabel ō, de kə́ dɔ gír kojə gə̄ tə́ ō, ba ədan̄də́ na: Jə-ndigə rāā kəla kújə yā Kɔ́ɔ̄ɓē sesí. Tā m̄ i Nə́ɓā yāsí ń ā ī-rɔȳniī ní n jḭḭ jə-rɔȳn ō ní. Tá j-əla gír ndējə̄n yá̰á̰ kə́ tun̄ gə̄ i dan ń Asaradon mban̄g kə́ Asiri ɔyjí reēń sejí loo ń toō tə́ laā ní.

ESDRAS 4:2 Referans Kwoze

2 MBAN̄G 19:37

Ndɔ̄ kógə̄ḿ tə́ ndi a ndɔ̄ȳ kem kújə yā nə́ɓā yān ń i nə́ɓā Nisrok ní tə́ anī, ngánən kə́ dəngam gə̄ jōó, Adəramelek nin̄ kə Sareser tɔ̄l̄nən̄ kə kaskaraá ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní o̰o̰ ɓē gotən tə́.

2 MBAN̄G 17:24

Mban̄g kə́ Asiri ɔy de kə́ *Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán *Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

2 TIMOTE 3:8

Tītə̄ ń Janes nin̄ kə Jambəres mbātə́n̄neé najə̄ gō Moijə tə́ ní, de gə̄ ń toō mbātə́n̄ najə̄ kə́ rɔ̄kum ō. Nin̄ i de gə̄ kə́ gír̄ yādə́ nujə kɔ̄ɔ́ ō, taā kem yādə́ teē yá̰a̰ aĺ ō.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

IJAI 37:37

Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.

PĀ GƏ̄ 73:8

Nin̄-əgōn̄ naā njik njik ō, nómə̄n̄ rāā kum de gə̄ ndoō tə́ ō, ɔjən̄ rɔ̄də́ ngá̰ý kem najə̄ kɔr̄də́ tə́ ō.

ESDRAS 3:12

Anī de gə̄ ngá̰ý dan *ngé tun̄ yá̰a̰ gə̄ tə́ ō, *ngán Lebi gə̄ tə́ ō, de kə́ dɔ gír kojə gə̄ tə́ ō ń tɔgən ngá̰ý á a̰a̰n̄ *kújə yā Kɔ́ɔ̄ɓē kə́ kəndā kété ní, dan ń nin̄ a̰a̰n̄ de gə̄ loo kəndā ngəra nge kə́ kijə tə́ anī, unən̄ ndūdə́ kə̄ dɔɔ́ nōōn̄neé. Banī ngá̰ý gə̄ unən̄ ndūdə́ kə̄ dɔɔ́ əganə̄neé i kɔŕ rɔ̄nel̄ ō.

ESDRAS 3:2

Yesua *nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ *loo tun̄ yá̰a̰ yā Nə́ɓā yā Israel, yā ndējəń *yá̰a̰ tun̄ gə̄ kə́ yā róō horoó gə̄ tītə̄ ń *ndū najə̄ yā Moijə deē yā Nə́ɓā ədań ní.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán *Israel gə̄ kə́ kə dɔ ɓūtə̄ gēé n toó ō.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā *Juda tə́ gə̄ ō, Benjamḛ tə́ gə̄ ō, *ngé tun̄ yá̰a̰ gə̄ ō, *ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā *kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

2 MBAN̄G 17:41

Adə̄ a ndɔ̄ȳn̄ Kɔ́ɔ̄ɓē dām̄ kə́rēý tə́ ō, dām̄ kə́ rang tə́ anī a rāān̄ kəla adə̄n̄ ɓesə̄ yādə́ gə̄ ō. Ba gotədə́ tə́ ní, ngáńdə́ gə̄ ō, ngán kaadə́ gə̄ ō, a rāān̄ i yá̰á̰ kə́ kógə̄ḿ beē nəkɔ́ ń noō ɓáý bátə́ ɓōólaā gə̄gē.

TA KƏLA 10:11

Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, *ngé tun̄ yá̰a̰ yājí gə̄ ō, *ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

IJAI 37:38

Ndɔ̄ kógə̄ḿ tə́ ni-ra a ndɔ̄ȳ kem kújə yā Nisrok ń i nə́ɓā yān ní tə́, anī ngánən kə́ dəngam gə̄ jōó, Adəramelek nin̄ kə Sareser, tɔ̄l̄nən̄ ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní, ndi mban̄g gotən tə́.