ESDRAS 3:6 - Bible sar

⁶ Kə ndɔ̄ kə́ ta kəga dɔ yā nāā kə́ nge ko̰ sīrí ní, nin̄ əlan̄ gír ndējə̄ Kɔ́ɔ̄ɓē *yá̰a̰ tun̄ kə́ róō horoó gə̄ kɔ̄ɔ́. Tá *kújə yā Kɔ́ɔ̄ɓē i kə́ kəndā ngəran aĺ ɓáý.

Bibəl ta Sar̄

⁶ Kə ndɔ̄ kə́ ta kəga dɔ yā nāā kə́ nge ko̰ sīrí ní, nin̄ əlan̄ gír ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ kɔ̄ɔ́. Tá kújə yā Kɔ́ɔ̄ɓē i kə́ kəndā ngəran aĺ ɓáý.

ESDRAS 3:6 Referans Kwoze

ESDRAS 3:5

Əla gír ndɔ̄ ń noō tə́ ní nin̄ a ndējə̄n̄ Kɔ́ɔ̄ɓē i *yá̰a̰ tun̄ kə́ róō horoó kə dɔ ndɔ̄ gə̄ kanjə̄ kəya̰ ta ō, *yá̰a̰ tun̄ kə́ kə dɔ ndɔ̄ nāā kə́ ta kəga dɔ gə̄ malang ō, *yá̰a̰ tun̄ kə́ ndɔ̄ nāā yā Kɔ́ɔ̄ɓē tə́ gə̄ ō, *yá̰a̰ tun̄ kə́ ndējə̄ Kɔ́ɔ̄ɓē kə gō kem ndigií gə̄ ō.

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.

LEBI GƏ̄ 23:24

kəda ngán *Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

LEBI GƏ̄ 23:25

Ndɔ̄ ń noō tə́ ā ī-rāāī kəla kə́ kə tɔ́gɔ́ gə̄ aĺ ō, ā ī-ndējī Kɔ́ɔ̄ɓē *yá̰a̰ tun̄ kə́ róō horoó.

TƏ́DA 29:1

Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

TƏ́DA 29:2

Ā ī-róōī dā̰ horoó yā kadə̄ Kɔ́ɔ̄ɓē kadə̄ sēēn sɔl̄ kemən. Dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə bəra ō, bal batə̄ ō, ngán batə̄ kə́ ɓāl̄ kógə̄ḿ gə̄ sīrí ō.