ESDRAS 3:12 - Bible sar

¹² Anī de gə̄ ngá̰ý dan *ngé tun̄ yá̰a̰ gə̄ tə́ ō, *ngán Lebi gə̄ tə́ ō, de kə́ dɔ gír kojə gə̄ tə́ ō ń tɔgən ngá̰ý á a̰a̰n̄ *kújə yā Kɔ́ɔ̄ɓē kə́ kəndā kété ní, dan ń nin̄ a̰a̰n̄ de gə̄ loo kəndā ngəra nge kə́ kijə tə́ anī, unən̄ ndūdə́ kə̄ dɔɔ́ nōōn̄neé. Banī ngá̰ý gə̄ unən̄ ndūdə́ kə̄ dɔɔ́ əganə̄neé i kɔŕ rɔ̄nel̄ ō.

Bibəl ta Sar̄

¹² Anī de gə̄ ngá̰ý dan ngé tun̄ yá̰a̰ gə̄ tə́ ō, ngán Lebi gə̄ tə́ ō, de kə́ dɔ gír kojə gə̄ tə́ ō ń tɔgən ngá̰ý á a̰a̰n̄ kújə yā Kɔ́ɔ̄ɓē kə́ kəndā kété ní, dan ń nin̄ a̰a̰n̄ de gə̄ loo kəndā ngəra nge kə́ kijə tə́ anī, unən̄ ndūdə́ kə̄ dɔɔ́ nōōn̄neé. Banī ngá̰ý gə̄ unən̄ ndūdə́ kə̄ dɔɔ́ əganə̄neé i kɔŕ rɔ̄nel̄ ō.

ESDRAS 3:12 Referans Kwoze

Makətūbə̄ yā Aje 2:3

Dansí tə́ ní, deē kógə̄ḿ əga kemən dɔ majə yā kújə́ kə́ bo kə́ jóo yā Kɔ́ɔ̄ɓē tə́ a? Ba ngɔlaā ní, yá̰á̰ ń á̰a̰ī ní i rí? Gotə yá̰á̰ kə́ tū tə́ kə́ na̰y gətóo.

IJAI 60:22

De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā *Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ *táĺ yā Israel.

PĀ GƏ̄ 126:6

Ni ətō ngong kōō ba aw̄ kə̄ dūbūú i kə nōó kumən tə́, anī tél sāā kōō tə́ anī, ətō dɔ do̰ō̰ kōō yān i kə rɔ̄nelēé.

Makətūbə̄ yā Job 8:7

Loo ń noō tə́ ndií kə́ kété ō, ndií kə́ ndɔ̄ń tə́ ō ní, ré deē əndādə́ kadə naā tə́ anī, nge kə́ kété i yá̰á̰ kə́ sḛ́ý beē.

ESDRAS 3:13

Adə̄ i kɔŕ rɔ̄nel̄ a ī-ger̄ aĺ ō, i nōō a ī-ger̄ aĺ ō. Tām̄ de gə̄ malang unən̄ ndūdə́ kə̄ dɔɔ́ ngá̰ý əgan̄neé kɔŕ, adə̄ de gə̄ ń ran̄ sa̰y ngá̰ý ní gə̄gē oōn̄ ndūdə́.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán *Israel gə̄ ō, *Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

PĀ GƏ̄ 147:1

*Aleluya! *Kɔsə gɔn Nə́ɓā yājí i yá̰á̰ kə́ majə ngá̰ý, ɓōkə́n tɔ̄ȳ kə gōó majə i yá̰á̰ kə́ nel̄ ta ngá̰ý!