ESDRAS 1:2 - Bible sar

² Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ *Juda tə́ ō.

Bibəl ta Sar̄

² Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

ESDRAS 1:2 Referans Kwoze

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā *Juda tə́ m-ə́da na: A télən̄ yā rāā ɓē ní gogə́.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə *nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə *de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

2 YÁ̰A̰ GƏ̄ 2:12

Adə̄ ngɔlaā ní m-ə́la kə kɔdə̄ kógə̄ḿ kə́ ger̄ yá̰á̰ ngá̰ý m-ādī. Rīn na i Hiram Abi.

1 MBAN̄G GƏ̄ 8:27

Ba Nə́ɓā a ndi ɓē dɔ nang tə́ kə de gēé a? De rāā ń laa ngá̰ý ní gə̄gē ba asə ndin aĺ anī kújə́ ń m̄-rāā ní tá a asə i ba̰ý?

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā *Juda tə́ gə̄ ō, Benjamḛ tə́ gə̄ ō, *ngé tun̄ yá̰a̰ gə̄ ō, *ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā *kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā *Israel tə́ gə̄ ō, tél ədan̄də́ na: Rāā *kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

PĀ GƏ̄ 136:26

Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.

IJAI 41:2

De kógə̄ḿ əsō róbó a reē noó, ni-ḭḭ i dām̄ kə́ gír ɓē tə́. Loo malang ń ni mān̄ tū tə́ ní tetə rɔ̄ɔ̄. Deē ń rāā adə̄ ni-əsō róbó a reē ní i náā? I náā n əla nápar de gə̄ kem jīn tə́ ní? I náā n əla dɔ mban̄g gə̄ gíŕ tɔ́gə yān tə́ ní? Kaskar yān rāā adə̄ nin̄ télən̄ bumbə́ru, kum gərā yān tə̄ɓādə́ tītə̄ néĺ kə́ un mu aw̄ń kɔ̄ɔ́ beē.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ *kújə́ yā Kɔ́ɔ̄ɓē gogə́.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.

JONAS 1:9

Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

ESDRAS 5:15

Sirus ədan na kə ɔy gájə́ yá̰a̰ gə̄ ngeé ń toō kə aw̄ kə tə́ndā kem *kújə yā Kɔ́ɔ̄ɓē tə́ Jerusalem, ba kadə̄ rāā kújə́ ní gotə loo ń rāān̄ tū tə́ kété ní.

ESDRAS 6:3

Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ *kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

ESDRAS 6:10

I beé tá nin̄ a asən̄neé ndējə̄ Nə́ɓā kə́ dɔ rā̰ tə́ *yá̰a̰ tun̄ kə́ kotə majə ō, ndɔ̄ȳ tām̄ yā kadə̄ mban̄g ō, ngánən gə̄ ō ndin̄neé kə dɔdə́ dɔɔ́ ní.

ESDRAS 7:12

m̄-rāāsí lápə́ya! I mā Artajerses, mban̄g kə́ dɔ mban̄g gə̄ tə́ n m̄-ndang makətūbə̄ ń toō m-ādə̄ Esdras *nge tun̄ yá̰a̰, kə́ nge ndóō de gə̄ *ndū najə̄ yā Nə́ɓā kə́ dɔ rā̰ tə́ ní. Ta gotə najə̄ kə́ rang gə̄ i ta tə́ noō ɓáý to̰.

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

NEHEMI 1:5

m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ *madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

PĀ GƏ̄ 85:2

Kɔ́ɔ̄ɓē, ḭ̄ ɔ́jə kadə̄ nelī kə ɓē yāí! Deē yā Jakob gə̄ ń əhɔn̄də́ aw̄n̄ sedə́ ɓəloó ní, ḭ̄ ī-tél ī-reē sedə́ gogə́ ɓēé.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ *Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

DANIEL 1:21

Adə̄ Daniel rāā kəla yā mban̄g bátə́ ugə̄ń ɓāl̄ ko̰o̰ ɓē yā Sirus tə́.