EJEKIEL 8:3 - Bible sar

³ Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

Bibəl ta Sar̄

³ Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

EJEKIEL 8:3 Referans Kwoze

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta *kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán *Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń *loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

DANIEL 5:5

Kə̄ ta jī tə́ noō jī deē teē hɔy, ngɔr kə̄ kadə kāgə̄ hor tə́ ba ndang yá̰a̰ kadə bɔr kújə yā mban̄g ń rāān̄ ho̰ rō̰ kə́ ndaa tū tə́ ní tə́. Dan ń mban̄g a̰a̰ jī deē ń a ndang yá̰á̰ ní anī

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ *Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ *Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

EJEKIEL 2:9

Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

NDŪ NAJƏ̄ 6:15

Tɔdɔ̄ Kɔ́ɔ̄ɓē Nə́ɓā yāsí ń ndi dɔ dáńsí tə́ ní, i Nə́ɓā kə́ nge rāā jang. Ī-lōōī rāā kadə̄ wōn̄g rāān sesí, na sōgə́ ni nujə sesí kɔ̄ɔ́ malang dɔ nang tə́.

NDŪ NAJƏ̄ 5:9

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

NDŪ NAJƏ̄ 4:24

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

KƏLA RĀĀ 8:39

Dan ń teēn̄ kum man̄ tə́ anī, Ndíĺ Kɔ́ɔ̄ɓē un Pilipə aw̄ seneé kɔ̄ɔ́. Áji mbang ní a̰a̰n to̰ alé, ba ni-un róbə yān kə rɔ̄nelēé.

DANIEL 10:18

Loo ń noō tə́ yá̰á̰ kə́ to tītə̄ deē ní tél ɔdə rɔ̄ḿ ɓáý to̰ ō, adə̄m̄ tɔ́gə gogə́ rang ō.

DANIEL 10:10

Anī jī deē kógə̄ḿ ɔdəm̄ ō, un əndām̄ dɔ rɔ̄ḿ tə́ adə̄ m-ɔ́sə kejəḿ nang tə́ ō, m̄-tə́ndā jīḿ nang tə́ ō, banī m̄-ndebə ngá̰ý.

EJEKIEL 8:5

Nə́ɓā ədam̄ na: Ḭ̄ ngōn̄ deē, á̰a̰ loo kum kə̄ dām̄ kə́ mbɔ́r ɓē kə́ ko̰ó̰ tə́. M-á̰a̰ loo kum kə̄ dām̄ loo ní tə́. *Loo tun̄ yá̰á̰ kógə̄ḿ i ta róbə́ kə́ dām̄ mbór ɓē kə́ ko̰ó̰ tə́. Ɓesə̄ ń i ndū kə́ tájə̄n̄neé Nə́ɓā ní, i ngɔr kə̄ ta róbə́ kə́ yā kudə tū tə́ kaw̄ń kə̄ ta *loo tun̄ yá̰á̰ tə́.

EJEKIEL 7:20

Nin̄ ɔjən̄ rɔ̄də́ kə yá̰a̰ yādə́ kə́ majə ngá̰ý gə̄ kə́ to loo ɓɔ̄ɔ̄ tə́. Nin̄ ɔyn̄ yá̰a̰ gə̄ ní rāānəń ɓesə̄ kə́ to yḛr kum gə̄ ō, kə́ majə ka̰ā̰ aĺ gə̄ ō, kum gotə nə́ɓā gə̄ tə́. Kɔ́ɔ̄ɓē əda na: I tām̄ najə̄ ń noō tə́ n nə́ɓā gə̄ ní a télən̄ yā to tītə̄ dɔ bū loo beé tām̄ yādə́ tə́ ní.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

EJEKIEL 3:12

Loo ń noō tə́ Ndíĺ Nə́ɓā unəm̄ nang tə́ kum kə̄ dɔɔ́, anī m-ōō najə̄ kə́ kun ndū kə̄ dɔɔ́ ngá̰ý kədań ń toō gidəḿ tə́: J-ənī pā tɔ̄ȳ Kɔ́ɔ̄ɓē loo ń ni-rāā yá̰á̰ kə́ to *kɔsə gɔn yān tū tə́ ní.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

JEREMI 7:30

De kə́ *Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

2 MBAN̄G 21:7

Rāā ɓesə̄ *Asera aw̄ń əndā kem kújə́ ń Kɔ́ɔ̄ɓē əda Dabid ō, ngōnən Salomo̰ ō, najə̄n kété na n-a n-əndā rīn dɔ tə́ ō, dɔ ɓē kə́ Jerusalem ń n-gə̄rā dan gír ɓē gə̄ malang kə́ *Israel tə́ ō, kadə̄ to ngándáńg ní.

2 MBAN̄G 16:14

Gō tə́ anī ndɔ́tə̄ kə *loo tun̄ yá̰á̰ kə́ rāā kə gində̄ nə̄ngá kasaá ń ra no Kɔ́ɔ̄ɓē tə́ ní kɔ̄ɔ́. Kété ní *loo tun̄ yá̰á̰ ní ra i ta róbə́ kújə́ tə́, dɔ dán *loo tun̄ yá̰á̰ kə́ kijə tə́ kə *kújə yā Kɔ́ɔ̄ɓēé tə́. Ba ni ndɔ́təń aw̄ əndā gidə *loo tun̄ yá̰á̰ kə́ kijə tə́, dām̄ mbɔ́r ɓē kə́ ko̰ó̰ tə́.

2 MBAN̄G 2:16

ba ədanən̄ na n-aw̄n̄ kə de kə́ kəhɔ rɔ̄də́ tɔgə gə̄ kutə mí adə̄ na n-a n-əlan̄də́ sāā kɔ́ɔ̄n tə́. Tɔdɔ̄ Ndíĺ Kɔ́ɔ̄ɓē ń na un kɔ́ɔ̄n aw̄ seneé ní majanī na aw̄ ənīn dɔ mbal̄ kógə̄ḿ tə́, aláa wól loo kə́rēý tə́. Elije tél ədadə́ na: Ī-lōōī kəla deē!

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

JOJUE 24:19

Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ *táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

Teē Ngán Israel gə̄ 20:4

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ *nge tun̄ yá̰a̰, m̄-ra i dan *Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā *Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

EJEKIEL 10:3

Kum mbang ngeé ń noō tə́ ní, *Serubḛ gə̄ i kem *kújə yā Kɔ́ɔ̄ɓē tə́, dām̄ kə́ ko̰ó̰ tə́ ō, ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́ ní, sa taā loo malang tū tə́ ō.

EJEKIEL 37:1

Kɔ́ɔ̄ɓē əhɔm̄ kə tɔ́gəneé. Ndílən aw̄ seḿ, adə̄ m-á̰a̰ rɔ̄ḿ i kem wól loo kógə̄ḿ kə́ kə̄ngā taān̄ loo tū tə́ tə́.

EJEKIEL 43:5

Ndíĺ Nə́ɓā unəm̄ dɔɔ́ ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. M-á̰a̰ kadə̄ *kɔsə gɔn yā Kɔ́ɔ̄ɓē taā loo kem kújə yā Kɔ́ɔ̄ɓē tə́.

EJEKIEL 43:8

Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ *táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.

EJEKIEL 9:2

Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra *kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ *lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta *loo tun̄ yá̰á̰ kə́ rāā kə gində̄ nə̄ngá kasaá tə́.