DANIEL 9:2 - Bible sar

² Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ *Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ *táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi *nge koō ta ní.

Bibəl ta Sar̄

² Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi nge koō ta ní.

DANIEL 9:2 Referans Kwoze

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ *Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi *nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ *sabat gə̄ ń ngán *Israel gə̄ əndān̄ kumdə́ gírí aĺ ní tə́.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.

JAKARI 7:5

yá̰á̰ ń ni tūr̄ əda ní, kə m-ə́dá *ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi *nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

MISE 3:12

Ɓá tā banī *Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń *kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 25:18

M-ādə̄ Jerusalem ō, ɓē kə́ *Juda tə́ gə̄ ō, mban̄g yān gə̄ ō, de kə́ bo yān gə̄ ō, kadə̄ a̰ȳn̄ ba télən̄ yá̰á̰ kə́ nujə sák sák ō, kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ de gə̄ a ndɔ̄lə́n̄ naā kə rīneé ō. I yá̰á̰ ń noō n a rāā yá̰a̰ ngɔlaā toó.

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ *Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

IJAI 64:10

Kújə́ kə́ *táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

1 TIMOTE 4:13

Ə̄ndā rɔ̄í ta tə́da makətūbə̄ tə́ ō, ta kɔjə de gə̄ najə̄ tə́ ō, ta ndóōdə́ yá̰á̰ tə́ ō, bátə́ kadə̄ m-ūgəń.

KƏLA RĀĀ 8:34

De kə́ bo ní əda Pilipə na: m̄-rāāī ɓɔ́ ba ə́dam̄, deē ń *nge koō ta a ɔr̄ najə̄ yān toó i náā? A ɔr̄ i najə̄ yān nəkɔ́ aké i najə̄ yā de kə́ rang ḿ?

MARK 13:14

Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

MATIYE 24:15

Dan ń ā á̰a̰ī yá̰á̰ kə́ majaĺ kə́ to yḛr kum ń Daniel *nge koō ta əda najə̄n ní ndi kem *loo kə́ táĺ tə́ anī, ādə̄ nge tə́da najə̄ ní ger̄ kum najə̄ ní majə,

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 26:6

yá̰á̰ ń m̄-rāā kə *Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

PĀ GƏ̄ 119:24

Yá̰a̰ gə̄ ń ə́dá ní adə̄mə̄n̄ rɔ̄nel̄ ngá̰ý, m-ə́nge kɔjə̄ kə́ majə gə̄ tū tə́.

JEREMI 26:18

Mise *nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ *Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ *Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ *kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 1:1

Najə̄ yā Jeremi kə́ ngōn̄ Hilkia, kə́ kógə̄ḿ yā *ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

JAKARI 1:12

Anī *nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ *Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.