DANIEL 8:24 - Bible sar

²⁴ Tɔ́gən a aw̄ i kum kə̄ kété kété, ba tɔ́gə́ ní ḭḭ i rɔ̄n nəkɔ́ tə́ alé. Ni a nujə loo nujə kə́ to ɓōĺ ngá̰ý ō, kəla rāān a udə gírí ō. Ni a nujə de kə́ ngan̄g gə̄ kɔ̄ɔ́ ō, a nujə gír de kə́ *táĺ gə̄ kɔ̄ɔ́ ō.

Bibəl ta Sar̄

²⁴ Tɔ́gən a aw̄ i kum kə̄ kété kété, ba tɔ́gə́ ní ḭḭ i rɔ̄n nəkɔ́ tə́ alé. Ni a nujə loo nujə kə́ to ɓōĺ ngá̰ý ō, kəla rāān a udə gírí ō. Ni a nujə de kə́ ngan̄g gə̄ kɔ̄ɔ́ ō, a nujə gír de kə́ táĺ gə̄ kɔ̄ɔ́ ō.

DANIEL 8:24 Referans Kwoze

DANIEL 8:12

Əlan̄ de kə́ dɔ rā̰ tə́ gə̄ kem jīn tə́ naā tə́ kə *yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

JEJU TEĒ KUM JA̰A̰ 17:17

Tɔdɔ̄ Nə́ɓā na rāā adə̄ kemdə́ gḛy rāā yá̰á̰ ń ni-núm̄ ní. Gír̄ yādə́ i kógə̄ḿ beē: I kadə̄ ko̰o̰ ɓē yādə́ rāā kəla adə̄ dā̰ ní, bátə́ kadə̄ najə̄ ń Nə́ɓā əda ní reē udəń gírí.

DANIEL 12:7

De kə́ nge kūbə̄ *lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ *táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, *ndū najə̄ ō. A əlan̄ de kə́ *táĺ gə̄ kem jīn tə́ bátə́ ɓāl̄ mətá kə nāā mehḛ́.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

DANIEL 8:10

Bo bátə́ ugə̄ rɔ̄ de gə̄ kə́ dɔ rā̰ tə́ gə̄ tə́ ō. Ni-rāā adə̄ ngé kə́rēý gə̄ ngá̰ý dɔ dáńdə́ tə́ ō, tə́yō̰ gə̄ ngá̰ý ō, tə́sōn̄ nang tə́, ba ni tə́ɓādə́ kə njaneé.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ *ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

DANIEL 8:11

Ni bo bátə́ ugə̄ rɔ̄ ngār yā *de kə́ dɔ rā̰ tə́ gə̄ tə́. Adə̄ *yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ *táĺ yān tū tə́ ní loo kə́ karī tə́ ō.

DANIEL 8:23

Dan ń gír ko̰o̰ ɓē yādə́ gān̄g ō, ngé rāā majaĺ gə̄ rāān̄ yá̰a̰ majaĺ adə̄ al̄ naā ō anī, mban̄g kógə̄ḿ kə́ rāā nban̄g ngá̰ý ō ger̄ loo gól̄ de gə̄ ngá̰ý ō a ḭḭ yān dɔɔ́.

PĀ GƏ̄ 37:35

M-á̰a̰ nge kem ndul loo kəndā tɔ́gən dɔ de gə̄ tə́ ō, loo jā̰ā̰ bɔ̄gə̄n tə́ tītə̄ kāgə̄ kə́ sitə majə tə́ ō.

DANIEL 11:23

Ni a ra dɔ koō naā ń nin̄ oōn̄ naā seneé tə́ ní yā góləń loo. Ni a ənī rɔ̄ɔ̄ kə de kə́ sḛ́ý beē gēé, banī tɔ́gən i ngá̰ý adə̄ ni i dɔɔ́.