DANIEL 8:14 - Bible sar

¹⁴ Ni ədam̄ na: I bátə́ kadə̄ loo tíbə ō tīī ō nja dūbú jōó kə ɓú mətá. Gō tə́ anī a tə́gon̄ *loo kə́ táĺ kadə̄ unjə̄ njáý njáý.

Bibəl ta Sar̄

¹⁴ Ni ədam̄ na: I bátə́ kadə̄ loo tíbə ō tīī ō nja dūbú jōó kə ɓú mətá. Gō tə́ anī a tə́gon̄ loo kə́ táĺ kadə̄ unjə̄ njáý njáý.

DANIEL 8:14 Referans Kwoze

DANIEL 12:7

De kə́ nge kūbə̄ *lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ *táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, *ndū najə̄ ō. A əlan̄ de kə́ *táĺ gə̄ kem jīn tə́ bátə́ ɓāl̄ mətá kə nāā mehḛ́.

DANIEL 12:11

Əla gír kum mbang ń deē a asəń ndējə̄ Nə́ɓā *yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ *loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

IJAI 45:25

De gə̄ malang ń *Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

JEJU TEĒ KUM JA̰A̰ 12:14

Banī adə̄n̄ dəyá̰ ní bɔ̄gə̄ kə̄rō kə́ bo ngá̰ý gə̄ jōó, kadə̄ ḭḭń bɔ̄gə̄ ta kaw̄ kə̄ mángá, loo ń rāān̄ tām̄ yān tə́ ní, yā kadə̄ a̰a̰n̄ gōn tū tə́ kə yá̰a̰ kəsaá ɓāl̄ mətá kə nāā mehḛ́, sa̰y kɔ̄ɔ́ ta kum lī tə́.

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

IJAI 1:27

*Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

JEJU TEĒ KUM JA̰A̰ 13:5

Adə̄n̄ dā̰ kə́ to tītə̄ kagə ní tam ta kə́ yā ngonjə̄ń ō, tájəń Nə́ɓā ō. Adə̄nən̄ tɔ́gə́ kə́ yā rāań yá̰á̰ bátə́ nāā kutə sɔ́ gidə i jōó ō.

JEJU TEĒ KUM JA̰A̰ 11:15

*De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə *Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

TA KƏLA 1:5

Nə́ɓā ɓāŕ loo kə́ unjə̄ kow na i loo kə́ kadaá ō, ɓāŕ til na i loo kə́ ndɔ̄ɔ́ ō. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ ta kəga dɔ.

DANIEL 12:12

Rɔ̄nel̄ I kə deē ń a ngóō bátə́ ndɔ̄ dūbú kə́ ɓú mətá kə kutə mətá kə kalən kə́ mí ní.