DANIEL 7:7 - Bible sar

⁷ Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

Bibəl ta Sar̄

⁷ Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

DANIEL 7:7 Referans Kwoze

JEJU TEĒ KUM JA̰A̰ 13:1

Anī m-á̰a̰ dā̰ kógə̄ḿ teē kum bā bo tə́, gajən gə̄ i kutə kógə̄ḿ ō, dɔn i sīrí ō, yá̰á̰ súū rɔ̄ kə́ dɔ tə́ gə̄ kutə kógə̄ḿ i tū gajən gə̄ ní tə́ kógə̄ḿ kógə̄ḿ ō. Rī kógə̄ḿ kə́ to ngonjə̄ i tū gajən gə̄ ní tə́ kógə̄ḿ kógə̄ḿ ō.

JEJU TEĒ KUM JA̰A̰ 12:3

Loo ń noō tə́ yá̰á̰ kə́ to kɔr kum kógə̄ḿ kə́ rang teē dɔ rā̰ tə́. Yá̰á̰ ní i dā̰ kógə̄ḿ kə́ kərē kə́ to ɓōĺ ngá̰ý. Dɔn i sīrí ō, gajən gə̄ i kutə kógə̄ḿ ō. Dɔn kə́ sīrí gə̄ ní, *jākā mbang i tū tə́ kógə̄ḿ kógə̄ḿ.

JEJU TEĒ KUM JA̰A̰ 17:12

Gajən kə́ kutə gə̄ ń á̰a̰ā̰ ní, i mban̄g gə̄ kutə kə́ o̰ō̰n̄ ɓē aĺ ɓáý, banī nin̄ a o̰ō̰n̄ ɓē naā tə́ kə dā̰ ní kum mbang kógə̄ḿ.

JEJU TEĒ KUM JA̰A̰ 17:7

Anī *de kə́ dɔ rā̰ tə́ ní ədam̄ na ké ɔr kumḿ i najə̄ rí tə́ wa. Na n-a n-ɔjəm̄ kum yá̰á̰ kə́ to loo mundə̄ tə́ ń i dəyá̰ ní ō, i dā̰ kə́ dɔn i sīrí ba gajən i kutə ń dəyá̰ ní ndi gidən tə́ ní ō.

DANIEL 8:10

Bo bátə́ ugə̄ rɔ̄ de gə̄ kə́ dɔ rā̰ tə́ gə̄ tə́ ō. Ni-rāā adə̄ ngé kə́rēý gə̄ ngá̰ý dɔ dáńdə́ tə́ ō, tə́yō̰ gə̄ ngá̰ý ō, tə́sōn̄ nang tə́, ba ni tə́ɓādə́ kə njaneé.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

2 SAMUEL 22:43

m̄-rāādə́ bumbə́rú tə́. m̄-rējə̄də́, m̄-tə́ɓādə́ tītə̄ bɔr kə́ kum róbó beē.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ *Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

Makətūbə̄ yā Job 41:14

Tɔ́gə i mindən tə́ ō, ɓōĺ ḭḭ bal kété non tə́ ō.

DANIEL 8:22

Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

JAKARI 2:1

M-ún kumḿ kə̄ dɔɔ́ anī, m-á̰a̰ gajə dā̰ gə̄ sɔ́.