DANIEL 7:5 - Bible sar

⁵ Dā̰ kə́ nge ko̰ jōó to tītə̄ dā̰ úrsə. Ni-ɔr̄ tan dɔɔ́ sḛ́ý beē ō, əhɔ kə̄ngā nganjə yá̰a̰ gə̄ mətá tan tə́ kə ngāngəneé ō. Ədanən̄ na kə ḭḭ kə əsa dā̰ ngá̰ý!

Bibəl ta Sar̄

⁵ Dā̰ kə́ nge ko̰ jōó to tītə̄ dā̰ úrsə. Ni-ɔr̄ tan dɔɔ́ sḛ́ý beē ō, əhɔ kə̄ngā nganjə yá̰a̰ gə̄ mətá tan tə́ kə ngāngəneé ō. Ədanən̄ na kə ḭḭ kə əsa dā̰ ngá̰ý!

DANIEL 7:5 Referans Kwoze

DANIEL 2:39

Ko̰o̰ ɓē kə́ rang kə́ tɔ́gən asə kə yāí alé a to gotií tə́. Gō tə́ anī ko̰o̰ ɓē kə́ nge ko̰ mətá a to, i nge ń gində̄ nə̄ngá kasə ɔsə kum gotə ní ko̰o̰ ɓē ní a ndi dɔ de gə̄ malang kə́ dɔ nang tə́ tə́.

OJEE 13:8

m̄-teē dɔsí tə́ i tītə̄ dā̰ úrsə. kə́ deē ɔy ngánən gə̄ kɔ̄ɔ́ beē. m̄-rə́yā̰ ngɔgərɔsí naā tə́. M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō, dā̰ kə́ bembeé gə̄ a gángə̄n̄sí naā tə́ bét bét ō.

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

IJAI 56:9

Sḭḭ̄ dā̰ kə́ bembeé gə̄ malang ō, sḭḭ̄ dā̰ kə́ kem ku loo gə̄ tə́ ō, ī-reēī ə́saī yá̰a̰!

Gōsə̄ najə̄ gə̄ 17:12

Kəsō ta kó̰o̰ dā̰ úrsə kə́ ɔyn̄ ngánən gə̄ kɔ̄ɔ́ tə́ i só tə́ tɔȳ kəsō ta de kə́ mbóó kə́ kɔ̄r̄ yān gə̄ ḭḭn seneé tə́.

2 MBAN̄G 2:24

Anī ni mbel a̰a̰də́ ba ndɔ̄ĺdə́ kə rī Kɔ́ɔ̄ɓēé. Loo ń noō tə́ dā̰ úrsə gə̄ jōó teēn̄ kem ku kāgə̄ gə̄ tə́ əhɔn̄ ngán gə̄ ní kutə sɔ́ gidə i jōó, rə́yā̰n̄də́ naā tə́.

JEJU TEĒ KUM JA̰A̰ 13:2

Dā̰ ń m-á̰a̰n ní to tītə̄ kagə ō, njan to tītə̄ nja dā̰ úrsə ō, tan to tītə̄ ta ɓɔl beé ō. Ba dā̰ kə́ to ɓōĺ ní adə̄n tɔ́gə ō, kōr̄ kāgə̄ mbang yān ō, tɔ́gə́ kə́ ngá̰ý kadə̄ o̰o̰ń ɓē ō.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.