DANIEL 7:22 - Bible sar

²² Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ *táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ *táĺ gə̄ o̰o̰n̄ ɓē.

Bibəl ta Sar̄

²² Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ táĺ gə̄ o̰o̰n̄ ɓē.

DANIEL 7:22 Referans Kwoze

DANIEL 7:18

Gō tə́ anī ngé kə́ *táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə *Kərist ɓāl̄ dūbú kógə̄ḿ.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ *ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

2 TESALONIK 2:8

nge mbātə́ *ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to *kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán *Israel gə̄ tə́.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, *ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. *Adə̄ i tītə̄ ń noō.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

DANIEL 7:23

Ni ədam̄ kum yá̰á̰ ní əda na: Dā̰ kə́ nge ko̰ sɔ́ ní i ko̰o̰ ɓē kə́ nge ko̰ sɔ́ kə́ a to dɔ nang tə́. Gotə ko̰o̰ ɓē gə̄ malang ní ni a to tītə̄də́ alé. Ni a taā loo malang kə́ dɔ nang tə́ ō, a tə́ɓā dɔ nang kə njaneé ō, a gángə̄n naā tə́ ō.

PĀ GƏ̄ 149:5

Ādə̄ deē yān gə̄ tḭ́ḭ̄n̄ bal walya ɔsən̄neé gɔn Nə́ɓā! Ādə̄ túrə̄n̄ kɔĺ rɔ̄nel̄ dɔ tə̄rá todə́ gə̄ tə́!