DANIEL 4:32 - Bible sar

³² De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə *de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

Bibəl ta Sar̄

³² De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 4:32 Referans Kwoze

DANIEL 5:21

tə̄ɓānən̄ kɔ̄ɔ́ dan de gə̄ tə́ ō, kemən tél to tītə̄ kem dā̰ gə̄ ō, ndi i dan kərō kə́ bembeé gə̄ tə́ ō, a əsa i mu tītə̄ yā man̄g gə̄ ō, tal kə́ dɔ rā̰ tə́ əhɔ dā̰ rɔ̄n tə́ ō, bátə́ ugə̄ ndɔ̄ ń ni gerə̄ń kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā de gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō ní.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

JOJUE 4:24

Ni-rāā beé i yā kadə̄ gír de gə̄ malang kə́ dɔ nang tə́ gerə̄n̄ kadə̄ tɔ́gə́ Kɔ́ɔ̄ɓē i ngá̰ý ō, kadə̄ sḭḭ̄ ī-ɓōliīneé ndíĺ Kɔ́ɔ̄ɓē yāsí kə ndɔ̄ gə̄ ō.

Teē Ngán Israel gə̄ 9:29

Moijə tél ədan na: Dan ń m-ā m̄-teē gidə ɓē tə́ anī, m-ā m-ɔ́y jīḿ kə̄ dɔɔ́ yā ndɔ̄yń Kɔ́ɔ̄ɓē. Man̄ a ndang to̰ aĺ ō, kɔ̄sə̄ a tə́sō to̰ aĺ ō, kadə̄ ī-gerə̄ń na dɔ nang i yā Kɔ́ɔ̄ɓē.

Teē Ngán Israel gə̄ 8:10

Kánə̄n̄ nīńdə́ kə̄ dɔ naā tə́ kə̄ dɔ naā tə́, adə̄ kem ɓē otə ndum rḭḭ.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

Teē Ngán Israel gə̄ 9:14

Ń toō na n-a n-rāā kadə̄ yá̰á̰ kə́ tōr̄ yān gə̄ malang a rāānən̄ nəkɔ́ *Parao̰ ō, ngé kəla yān gə̄ ō, gír deē yān gə̄ ō, kadə̄ gerə̄ń na de kə́ tītə̄n ni Kɔ́ɔ̄ɓē na gətóo dɔ nang tə́ laā.

IJAI 45:3

Yá̰á̰ kə́ gātə̄də́ i ngá̰ý gə̄ kə́ ton̄ loo mundə̄ tə́ gə̄ ō, yá̰a̰ kənge kə́ ngá̰ý gə̄ kə́ ton̄ loo ɓɔ̄ɔ̄ tə́ gə̄ ō ní, m-ā m-ādī. Loo ń noō tə́ ā ī-ger̄ kadə̄ Kɔ́ɔ̄ɓē i mā. Sirus, mā Nə́ɓā yā *Israel m̄-ɓāríī kə rīí.

2 YÁ̰A̰ GƏ̄ 33:13

rāān ɓɔ́ ō. Kum Nə́ɓā o̰o̰n adə̄ rāā yá̰á̰ ń Manase dəjen ní. Nə́ɓā tél aw̄ seneé gogə́ Jerusalem ō, əndān mban̄g gogə́ ō. Loo ń noō tə́ Manase ger̄ kadə̄ i Kɔ́ɔ̄ɓē kal kógə̄ḿ beē ngóy n i Nə́ɓā kə́ rɔ̄kum ní.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

DANIEL 4:31

Nabukodonosor əda na: Dan ń gír ɓāl̄ sīrí gə̄ gān̄g ní, mā Nabukodonosor m-ə̄nī kumḿ kə̄ dɔ rā̰ tə́ anī, kemḿ ger̄ najə̄ gogə́. m̄-rāā Nə́ɓā kə́ dɔɔ́ sa̰y ngá̰ý kə́ra. m̄-tɔ̄ȳ nge ndi kə kumneé ngándáńg ō, m-ɔ́sə gɔnən ō. Tām̄ tɔ́gə ko̰o̰ ɓē yān i tɔ́gə́ kə́ a to ngándáńg ō, ko̰o̰ ɓē yān a to ngándáńg ō,

Makətūbə̄ yā Job 9:12

Ré ni un yá̰a̰ kə gúu gēé anī, i náā n a rāān kadə̄ əya̰ ní? De kə́ yā dəjen na ké a rāā i rí n toó wa ní gətóo.

Makətūbə̄ yā Job 42:2

m̄-ger̄ kadə̄ ásə rāā yá̰a̰ malang ō, yá̰á̰ kə́ núm̄ rāā kə́ dum̄ tɔ́gí gətóo ō.

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

PĀ GƏ̄ 135:6

Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

IJAI 40:15

Nápar de gə̄ ton̄ i tītə̄ ngōn̄ man̄ kə́ əsō ɗḛy gír gəmbé tə́ beē, ton̄ i tītə̄ kum nán̄g ngárə̄ḿnjēý kógə̄ḿ kə́ to dɔ yá̰a̰ mbɔ̄jə́ kɔȳ yá̰á̰ tə́ beé. Gír de kə́ sa̰y gə̄ hɔɔ́lɔ̄n̄ tītə̄ bumbə́ru beé.

IJAI 40:17

Nápar de gə̄ malang ní nin̄ i yá̰á̰ kógə̄ḿ ta kum Kɔ́ɔ̄ɓē tə́ alé, ni tə́dádə́ alé, nin̄ i néĺ ngóy.