DANIEL 12:13 - Bible sar

¹³ Ḭ̄ Daniel, āw̄ bátə́ ūgə̄ ta tɔ̄l̄ ta tə́. Ā ɔ̄r̄ koō ō, ḭ́ḭ dɔɔ́ yā taā yá̰a̰ kəndā nja yāí ta ngóy ndɔ̄ gə̄ tə́ ō.

Bibəl ta Sar̄

¹³ Ḭ̄ Daniel, āw̄ bátə́ ūgə̄ ta tɔ̄l̄ ta tə́. Ā ɔ̄r̄ koō ō, ḭ́ḭ dɔɔ́ yā taā yá̰a̰ kəndā nja yāí ta ngóy ndɔ̄ gə̄ tə́ ō.

DANIEL 12:13 Referans Kwoze

JEJU TEĒ KUM JA̰A̰ 14:13

M-ōō ndū deē kógə̄ḿ teē dɔ rā̰ tə́ əda na: Ī-ndang najə̄ ń toō: Əla gír ngɔr ń toō tə́ ní, ngé gə̄ ń oyn̄ najə̄ yā Kɔ́ɔ̄ɓē tə́ ní, rɔ̄də́ nel̄də́. Ndíl əda na a̰á̰ā̰, ādə̄ ɔrə̄n̄ koō kəla yādə́, tɔdɔ̄ kəla rāādə́ a utə̄ gōdə́.

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

JAKARI 3:7

Kɔ́ɔ̄ɓē kə́ bo kə́ tɔ́gən i ngá̰ý ní, míndən kógə̄ḿ ń ənī ní n toó: Ré ī-rāā yá̰á̰ ń m-ə́dá ní anī, ré ōō taḿ, adə̄ ī-rāā yá̰a̰ gə̄ ń m-ə́da kadə̄ ī-rāā ní anī, ā ī-tél de kə́ dɔ kújə yāḿ tə́ ō, de kə́ dɔ ndágə loo kə́ gīr̄ gidə kújə yāḿ tə́ tə́ ō. M-ā m-ə́laī dan de gə̄ ń ran̄ laā a rāān̄ kəla yāḿ tə́ ní.

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to *kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán *Israel gə̄ tə́.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

2 TESALONIK 1:7

Ba kadə̄ sḭḭ̄ ń rāān̄sí yá̰á̰ kə́ tōr̄ ní, ni-rāā adə̄ ɔ̄rī koō naā tə́ sejí, ndɔ̄ téĺ Kɔ́ɔ̄ɓē Jeju tə́, kə deē yān gə̄ kə́ dɔ rā̰ tə́ kə́ tɔ́gə́də́ i ngá̰ý.

PĀ GƏ̄ 1:5

Adə̄ ndɔ̄ gān̄g sarya tə́ anī ngé kem ndul gə̄ a asən̄ ra dɔɔ́ aĺ ō, ngé rāā majaĺ gə̄ a asən̄ kudə loo kán̄ naā yā de kə́ súmūú gə̄ tə́ aĺ ō.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

Teē Ngán Israel gə̄ 33:14

Kɔ́ɔ̄ɓē dəjen na ké i nəkɔ́ n kə n-aw̄ sedə́ bátə́ kadə̄ əngen̄neé loo ndidə́ ní wa.

PĀ GƏ̄ 16:9

M-ə̄nā kemḿ m̄-ndiń adə̄ m̄-rāā rɔ̄nel̄ ō, m-ḭ́ḭ bal walya ō.