DANIEL 10:1 - Bible sar

¹ Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

Bibəl ta Sar̄

¹ Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 10:1 Referans Kwoze

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

DANIEL 6:28

Ni i nge gān̄g dɔ deē ō, nge kajə deē ō, nge rāā yá̰á̰ kə́ ɔr kum gə̄ ō yá̰á̰ kə́ yáā gə̄ ō, dɔ rā̰ tə́ ō dɔ nang tə́ ō, tɔdɔ̄ i ni n ajə Daniel ta ɓɔl gə̄ tə́ ní.

DANIEL 1:21

Adə̄ Daniel rāā kəla yā mban̄g bátə́ ugə̄ń ɓāl̄ ko̰o̰ ɓē yā Sirus tə́.

DANIEL 1:7

Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

JEJU TEĒ KUM JA̰A̰ 19:9

Anī *de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 5:17

Anī Daniel un najə̄ ɔr̄, əda mban̄g na: Kɔ́ɔ̄ ɓē gə̄, ī-ngɔ̄m̄ kadə̄ karī yāí gə̄ tām̄ yāí īkɔ́ tə́ ō, yá̰a̰ kəndā nja yāí gə̄ ní ādə̄ de kə́ rang gə̄ ō! Banī m-ā m̄-tə́dá yá̰á̰ ń ndangən̄ ní yā kadī ō, m-ā m-ɔ́jiī kumən ō.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ *kújə́ yā Kɔ́ɔ̄ɓē gogə́.

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo *ngé koō ta gə̄ tə́ ní, adə̄ *kum kɔɔ̄ gə̄ yā *Jipə gə̄ tɔ́gə adə̄ nin̄ rāān̄neé kəla *kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

ESDRAS 6:3

Kem ɓāl̄ ko̰o̰ ɓē yā mban̄g Sirus kə́ ta kəga dɔ tə́ ní, ni-əda kadə̄ de gə̄ tél rāān̄ *kújə yā Nə́ɓā Jerusalem gogə́. A rāān̄ kújə́ ní i loo ń de gə̄ ndējə̄n̄ Nə́ɓā yá̰á̰ kə́ tun̄ gə̄ tū tə́ ní ō, loo ń ngəran i tū tə́ kété ní tə́ ō. Ngālən kə́ kə̄ dɔɔ́ a asə kíl deē 60 ō, laan a asə kíl deē 60 ō.

ESDRAS 4:5

Adə̄ əla gír ɓāl̄ ko̰o̰ ɓē yā Sirus mban̄g kə́ Persə tə́ bátə́ ugə̄ń ɓāl̄ ko̰o̰ ɓē yā Darius mban̄g kə́ Persə tə́ ní, əndān̄ yá̰a̰ jī ngé kadə̄ kɔjə̄ kə́ ndogó mbangāá gə̄ tə́ kadə̄ rāān̄ adə̄ ta kəla ń Jipə gə̄ a sāān̄ rāā ní ta to kə to kɔ̄ɔ́.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā *Israel tə́ gə̄ ō, tél ədan̄də́ na: Rāā *kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

2 YÁ̰A̰ GƏ̄ 36:22

Kem ɓāl̄ ko̰o̰ ɓē kə́ ta kəga dɔ yā Sirus mban̄g kə́ Persə tə́ ní, Kɔ́ɔ̄ɓē gḛy rāā yá̰á̰ ń ni əndā ta Jeremi *nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ kógə̄ḿ ō, ndang makətūbə̄ kógə̄ḿ ō, kadə̄ ədan̄ de kə́ kem ɓē ko̰o̰ yān tə́ gə̄ malang na:

TA KƏLA 41:32

Adə̄ ré nī rāā *Parao̰ nja i jōó ō, i nī gə̄ kə́ tītə̄ ń naā ō anī, kumən na i yá̰á̰ ń Nə́ɓā a sāā rāā ní, adə̄ a ɔr bā̰ā̰ loo rāān tə́ alé.

Najə̄ kə́ Majə yā Jeju ń Luk ndang ní 1:20

Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

DANIEL 8:16

Anī m-ōō ndū deē kógə̄ḿ kə̄ dan man̄ Ulay tə́ ɔr̄ najə̄ kə tɔ́gɔ́ əda na: Gabəriyel, ɔ́jə deē ń toō kum yá̰á̰ ń a̰ā̰ ní ādə̄ ger̄!

DANIEL 5:12

Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.

DANIEL 4:8

Kāgə̄ ní tɔgə ō ngan̄g ō, ngāl̄ bátə́ ɔdə no rā̰ ō. Deē ra i ta ngóy dɔ nang tə́ gə̄gē a a̰a̰ kāgə̄ ní.

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.