AMOS 8:2 - Bible sar

² Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: *Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

Bibəl ta Sar̄

² Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

AMOS 8:2 Referans Kwoze

AMOS 7:8

Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

NŌŌ RƆ̄ 4:18

De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ *kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

JAKARI 5:2

*De kə́ dɔ rā̰ tə́ ní dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́. Ndāŕ ní, ngālə̄n i métər kutə kógə̄ḿ ō, laan i métər mí ō.

EJEKIEL 12:23

I beé ní, ə́dá ngán *Israel gə̄ na mā Kɔ́ɔ̄ɓē Nə́ɓā m-ā m̄-rāā kadə̄ de gə̄ a ədan̄ kāgə̄ najə̄ ń noō to̰ alé. De kə́ yā tél kəda kə̄ nja naā tə́ dɔ nang kə́ Israel tə́ to̰ a gətóo. Banī ə́dádə́ na: Kum mbang ń kadə̄ yá̰á̰ kə́ ka̰ā̰ gə̄ malang reē udən̄neé gíŕ kə́ rɔ̄ tə́ ní, dɔ i ngɔr.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ *Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń *kum kɔɔ̄ gə̄ yā ngán *Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán *Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ *loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

EJEKIEL 7:6

Gíŕ yá̰a̰ malang gān̄g kɔ̄ɔ́, gíŕ yá̰a̰ malang gān̄g kɔ̄ɔ́, yá̰á̰ kə́ to kum kaȳ aĺ əndā dɔ rɔ̄n danaá yā teē dɔsí tə́, ni a reē noó!

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

EJEKIEL 3:7

Banī ngán *Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.

JEREMI 40:10

Mā m-ā m̄-ndi Misəpa tām̄ yā Kalde gə̄ ń a reēn̄ ɓēé loojí tə́ ní. Sḭḭ̄ tāa, ī-sāāī kan̄ *kāgə̄ nduú kə́ yā rāā kasə tə́ ō, kan̄ kāgə̄ gə̄ ō, yibə̄ ō, ə̄ndāī kon̄ tə́, ba ī-ndiī kem ɓē gə̄ ń ə́hɔī loo tū tə́ ní tə́.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, *ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 28:4

Hútə̄ yá̰á̰ kə́ tutə gə̄ ń súūnən̄neé dɔ ngōn̄ mbal̄ kə́ deē ra dɔ tə́ anī a̰a̰ wól loo kə́ teē yá̰á̰ ngá̰ý kə̄ gírí nang tə́ ní, a dubə̄n̄ hútə́ yá̰a̰ gə̄ ní kɔ̄ɔ́. Samari a to tītə̄ kan̄ kótə̄ kə́ ta kəga dɔ kə́ kərē no ndɔ̄ kəjan tə́ beē. Nəkɔ́ ń deē kógə̄ḿ əla kumən a̰a̰n lap toó, kɔ́ɔ̄ əjan ō, əsan kə̄ ta jī tə́ noō ō.

EJEKIEL 29:8

I tām̄ najə̄ ń noō tə́ n yá̰á̰ mā Kɔ́ɔ̄ɓē Nə́ɓā m-ə́dá ní n toó ní: M-ā m-ə́la kə ngé rɔ̄ɔ̄ gēé kadə̄ a rɔ̄ɔ̄īn̄ ō, m-ā m̄-rāā kadə̄ de gə̄ gē dā̰ gə̄ gē kə́ dɔ nang yāí tə́ a oyn̄ ō.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

AMOS 8:1

Kɔ́ɔ̄ɓē Nə́ɓā rāā adə̄ m-á̰á̰ jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé ɓáý to̰.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ *Israel ger̄ nge ń noō. Sḭḭ̄ ə́daī na *nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.