AMOS 7:2 - Bible sar

² Ba dan ń yim̄ gə̄ əsan̄ mu malang kə́ kem ɓēé kɔ̄ɔ́ anī, m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-mā̰ȳ rɔ̄í dɔ gír deē yāí gə̄ tə́! Ré i beé aĺ ní, nin̄ a télən̄ i rí? Nin̄ dūún̄ ngá̰ý!

Bibəl ta Sar̄

² Ba dan ń yim̄ gə̄ əsan̄ mu malang kə́ kem ɓēé kɔ̄ɔ́ anī, m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-mā̰ȳ rɔ̄í dɔ gír deē yāí gə̄ tə́! Ré i beé aĺ ní, nin̄ a télən̄ i rí? Nin̄ dūún̄ ngá̰ý!

AMOS 7:2 Referans Kwoze

EJEKIEL 11:13

Dan ń m̄-rā m-ā m-ə́da najə̄ ń toō ń Kɔ́ɔ̄ɓē taḿ tə́ ní anī, Pelatia kə́ ngōn̄ Benaya gān̄g dɔɔ́ oy. M-ə̄sō m̄-séw kumḿ nang tə́ ō, m-ə́ga kɔŕ ō, m-ə́da na: Á! Kɔ́ɔ̄ɓē Nə́ɓā, adə̄ gotə ngán *Israel gə̄ ń na̰yn̄ ní, ā ī-rāādə́ kadə̄ oyn̄ malang a?

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə *Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

JEREMI 42:2

kə̄ rɔ̄ Jeremi *nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

Teē Ngán Israel gə̄ 10:15

Yḭm̄ gə̄ ní taān̄ loo dɔ nang tə́ malang adə̄ dɔ nang tél ndul mikəri. Nin̄-əsan̄ mu gə̄ ō, kan̄ kāgə̄ gə̄ ō ń kɔ̄sə̄ nujəń aĺ ní, adə̄ dɔ nang kə́ Ejiptə malang ndágə doy ō, kāgə̄ kógə̄ḿ kə́ mbīn na̰y dɔ tə́ gətóo ō.

JEJU TEĒ KUM JA̰A̰ 9:4

Ɔgə̄n̄də́ rāā yá̰á̰ kə́ majaĺ kə mu kə́ dɔ nang tə́ ō, kə mbī yá̰á̰ kə́ mbōl̄ ō, kə kāgāá ō, banī de gə̄ ń mbō̰ yā Nə́ɓā gətóo nodə́ tə́ ní tá kə rāān̄də́ yá̰á̰ kə́ majaĺ.

AMOS 7:5

Tā anī m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-dəba. Ré i beé aĺ ní, gír deē yāí gə̄ a télən̄ i rí? Nin̄ dūún̄ ngá̰ý!

DANIEL 9:19

Kɔ́ɔ̄ɓē, ī-nēl̄ mbīí, Kɔ́ɔ̄ɓē, ī-mā̰ȳ rɔ̄í dɔjí tə́! Kɔ́ɔ̄ɓē, ī-nēl̄ mbīí majə! Ɓɔ́ Nə́ɓā yāḿ, ī-rāā yá̰á̰ kógə̄ḿ tām̄ yāí īkɔ́ tə́ ba ī-lōō kɔr bā̰ā̰, tɔdɔ̄ ɓārə́n̄ rīí dɔ ɓē yāí tə́ ō, dɔ gír deē yāí gə̄ tə́ ō.

IJAI 51:19

Yá̰á̰ kə́ to kum kaȳ aĺ gə̄ əhɔn̄ naā i jōó jōó n teēn̄neé dɔí tə́ ní: Yá̰a̰ rāā kə́ kə dɔ́nɔ́ ō nujə loo ō, ɓō ō rɔ̄ɔ̄ ō. Banī i náā n a nōōī ní? I náā n a tél kə kəndā kem dɔ tə́ yā kadī gogə́ ní?

PĀ GƏ̄ 12:1

Pā kə́ kem makətūbə̄ yā gōsə̄ pā gə̄ tə́. A dānə̄n̄ gō i kə kənde kə́ kəlān i sɔ́sɔ́. I pā yā Dabid.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

JOEL 2:17

Ādə̄ *ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ *kújə yā Kɔ́ɔ̄ɓē tə́ kə *loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

AMOS 4:9

Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ *kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, *kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.