AMOS 7:1 - Bible sar

¹ Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ní n toó: Ni-ndi a rāā i yim̄ gə̄. I dan ń əjan̄ mu kə́ ta kəga dɔ kə́ tām̄ yā mban̄g tə́ oy á mu tél a əɓa gogə́ ní.

Bibəl ta Sar̄

¹ Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ní n toó: Ni-ndi a rāā i yim̄ gə̄. I dan ń əjan̄ mu kə́ ta kəga dɔ kə́ tām̄ yā mban̄g tə́ oy á mu tél a əɓa gogə́ ní.

AMOS 7:1 Referans Kwoze

JOEL 1:4

Yá̰á̰ ń taw̄ əya̰ ní, yim̄ gə̄ əsan̄ kɔ̄ɔ́ ō. Yá̰á̰ ń yim̄ gə̄ əya̰n̄ ní, kə́ndīŕ gə̄ əsan̄ kɔ̄ɔ́ ō. Yá̰á̰ ń kə́ndīŕ gə̄ əya̰n̄ ní, gaẃ gə̄ əsan̄ kɔ̄ɔ́ ō.

AMOS 8:1

Kɔ́ɔ̄ɓē Nə́ɓā rāā adə̄ m-á̰á̰ jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé ɓáý to̰.

AMOS 4:9

Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ *kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, *kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JOEL 2:25

Kōō yāsí gə̄ ń m-ə́la kə kur̄ kə́ ngá̰ý yāḿ gə̄ ń i yim̄ gə̄ ō kə́ndīŕ gə̄ ō gaẃ gə̄ ō taw̄ gə̄ ō, adə̄ nujənə̄ń kɔ̄ɔ́ kem ɓāl̄ kə́ kété gə̄ tə́ ní, m̄-téləń m-ādə̄sí gogə́.

AMOS 7:7

Yá̰á̰ ń Kɔ́ɔ̄ɓē rāā adə̄ m-á̰a̰ā̰ gō yá̰a̰ gə̄ ń noō tə́ ní n toó: Ni-ra i kə njan kə́ dɔɔ́ kadə ndogə̄ mbal̄ kógə̄ḿ tə́ ō, əhɔ kəla kógə̄ḿ kə́ gində̄ pəlo̰ i ta tə́ jīn tə́ ō.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ *Israel tə́ ō.

EJEKIEL 11:25

Loo ń noō tə́ m-ə̄nī de gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní gotə yá̰a̰ malang ń Kɔ́ɔ̄ɓē rāā adə̄ m-á̰a̰ā̰ ní.

JEREMI 24:1

Dan ń Nabukodonosor mban̄g kə́ *Babilon əhɔ Yekonia, ngōn̄ Joakim mban̄g kə́ *Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta *kújə yā Kɔ́ɔ̄ɓē tə́.

IJAI 33:4

Loo ń noō tə́ kɔy yá̰a̰ kənge dɔ gúú tə́ əla gír. De gə̄ ton̄ tītə̄ yim̄ gə̄ beé. De gə̄ urən̄ naā kə̄ dɔ yá̰a̰ kənge gə̄ tə́ tītə̄ yim̄ gə̄ kə́ ton̄ tītə̄ kil̄ man̄ beé.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.